GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, PKK-YPG terror qruplaşması dünya ictimaiyyətini aldatmaq məqsədilə mülki və əsasən ərəb geyimi geyinməklə Türkiyənin guya sivil insanlara qarşı hücuma keçdiyini dünyaya göstərməyə çalışırlar.
Üstəlik dünya ictimaiyyətini Türkiyənin terrorla mübarizəsinə qaldırmaq məqsədilə PKK-YPG terror qruplaşmasına yaxın sosial şəbəkə hesabları Türkiyəyə qarşı təbliğat savaşına başlayıb.
“Sülh çeşməsi” əməliyyatının başlanmasından etibarən terror qruplaşmasını dəstəkləyənlərə aid sosial şəbəkə hesabları, yaradılmış saxta hesablar dezinformasiya axını yaradıb.
Belə ki, sözügedən sosial şəbəkə hesabları olduqca aktiv şəkildə Suriyada əvvəlki illərdə çəkilmiş dəhşətli müharibə görüntülərini paylaşaraq, bu halların Türkiyənin yenicə başlatdığı “Sülh çeşməsi” əməliyyatı zamanı yaşandığını iddia ediblər.
YPG-PKK tərəfdarlarına aid hesablar əsasən 2016-cı ilin avqustunda rus ordusunun İdlibə hücumu və Hələbdə 2014-cü ilin mayında baş vermiş qanlı hadisələr zamanı çəkilmiş görüntüləri paylaşmaqla çirkin təbliğat aparır.
