Şənbə , Mart 28 2020
azfa

Türk ordusu hücuma keçən sepah terrorçularını məhv etdi

GADTB-nin Mətbuat Mərkəzinə daxil olan məlumata görə, İdilibə Əsəd rejimin qüvvələri ilə yanaşı İranın sepah terrorçuları və Rusiya bombardumançıları günahsız əhaliyə qarşı hücuma keçib. Türk əsgərləinin şəhid edilməsindən sonra Türkiyənin kəskin cavabı nəticəsində çox sayda sepah terrorçuları da məhv edilib.

Türkiyə prezidenti Rəcəb Tayyib Ərdoğanın “İdlibdə əsgərlərimizə qarşı hücumlar Türkiyə mövqeyindən Suriyada yeni bir dövrün miladıdır” sözləri döyüş meydanına da əks olunub.

Astanda imzalanan “gərginliyi azaltma bölgəsi” razılaşmasını heçə sayaraq 2,5 ildə 2 mindən çox yaşayış məntəqəsini ələ keçirən, 60 min kilometrdən çox yeri öz ərazisinə qatan Bəşər Əsəd rejiminin qarşısını almaq üçün tədbirlər sürətləndirilib.

İdlibdə Rusiya və İran dəstəkli rejim ünsürləri ilə Türkiyə arasındakı qarşıdurmalar şiddətlənib. Sərakibdəki “Trenbe” müşahidə məntəqəsində 7 türk əsgəri və 1 hərbi işçinin şəhid edilməsindən sonra Türkiyə Silahlı Qüvvələri (TSQ) və müxaliflər ötən gündən etibarən hərbi gücünü nümayiş etdirməyə başlayıb. Bu çərçivədə “Ma’ar Hitat” müşahidə məntəqəsinin ətrafında Xan Şeyxuna gedən quru yolu bağlanıb.

SEPAH-ın komandanı öldürüldü

İnsidentlərin mərkəzi nöqtəsi Sərakib olub. Ağır rus bombardmançıları ilə bir neçə kiçik yaşayış bölgəsini ələ keçirən rejim bölgədə yeni qurulan 4 türk müşahidə məntəqəsini mühasirəyə alaraq “Mehmetçik”i təxliyəyə məcbur edib. Lakin TSQ geri addım atmayıb və hücumlara cavab verib. İdlib və Hələb sahili ilə Təl-Rıfatda hərəkətli olan rejim ünsürləri top atışları ilə səhərə qədər atəş altında saxlanılıb. Sərakibin şimal-şərqindəki Əl Duveyrdə rejimin tankları məhv edilib. Yerli qaynaqlar sadəcə burada 15 rejim əsgərinin öldüyünü bildirir. Təl-Rıfatda rejimin toplanış məkanı və əməliyyat otağı havaya uçurulub. Çox sayda ölü və yaralı var. Əl Nəyrab kəndində hücuma hazırlaşan onlarla iranlı və livanlı Hizbullah milisi olduqları yerdə zərərsizləşdirilib.

TSQ və müxaliflərdən ağır zərbələr alan rejim itkilərini gizlədir. Dəməşqə yaxın qaynaqlardan verilən məlumatda ölənlər arasında İranın terrorçu İnqilab Keşikçiləri Korpusunun (SEPAH) komandanı, general-polkovnik Usamə Mahmud İbrahim, komandan Basil Həsən Yunusun olduğu bildirilir. Müxalif qaynaqlar isə İran və Əsəd qüvvələrinin son 1 ayda ən az 500 nəfər itki verdiyini deyir.

TSQ-dan strateji addım

Cəbhə xəttində döyüş davam edərkən Türkiyə Silahlı Qüvvələri daha bir strateji addım atıb. İdlibdən 17 km məsafədə yerləşən Taftanazda yerləşən hərbi hava limanı TSQ bazasına çevrilib. İdlibin şimalındakı Kəfərlusin sərhədindən Suriyaya girən çox sayda tank, top və zirehli avtomobillər bu bazada yerləşdirilib. Komando və xüsusi təyinatlılar bu bazada xidmətə başlayıb. Rejim buraya hücum etsə də, cavab atəşi ilə susdurulub.

Həmçinin yoxlayın

Çin Koronavirusuna yoluxmuş terrorçu PKK üzvləri terror əçəliyyatına hazırlaşır

GADTB-nin Mətbuat Mərkəzinə daxil olan məlumata görə, Çin koronavirusu (COVİD-19) İran, İraq və Suriyada fəaliyyət …

Beynəlxalq Əfv Təşkilatı molla rejimini vicdan məhbuslarını azad etməyə səslədi

GADTB-nin Mətbuat Mərkəzinə daxil olan məlumata görə, Beynəlxalq Əfv Təşkilatı molla rejiminin zindanlarda koronavirusu yaydığı …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir