Şənbə , Fevral 22 2020
azfa

Türkiyə Libiya ilə bağlı Afinaya xəbərdarlıq etdi

GADTB-nin Mətbuat Mərkəzinə daxil olan məlumata görə, Türkiyənin Xarici İşlər naziri Mövlud Çavuşoğlu Tvitter səhifəsində yazıb ki, Yunanıstanın Xəlifə Haftarı ölkəsinə çağırması və öz milli gündəmini ön plana çıxarması Liviyaya sülh gətirmə yönündəki cəhdlərə qarşı təxribatdır.

O, Yunanıstanın dialoq yerinə qanuni hökumətlə əlaqələri kəsdiyini vurğulayıb:

“Təəssüf ki, “düşmənimin düşməni dostumdur” anlayışı ilə hərəkət edirlər. Əslində, bunun arxasında Liviyaya qarşı dəniz hakimiyyəti iddiaları dayanır. Ötən illərdə də Krit adasının cənubunda Liviyanın haqq və mənfəətlərini qəsb edəcək şəkildə neft və təbii qaz sahələrini müəyyənləşdirmişdilər”.

Nazir Liviyada qanuni hökumətlə Türkiyə arasında imzalanan əməkdaşlıq sazişinin Yunanıstanda təşviş yaratdığını deyib:

“Bu vəziyyət qarşısında Liviyadakı qanuni hökumət hüquqlarını qorumaq üçün bizimlə razılaşma imzaladı. Yunanıstanın Haftarı ölkəsinə çağırması və öz milli gündəmini ön plana çıxarması Liviyaya sülh gətirmə yönündəki cəhdlərə qarşı təxribatdır. Bu boş səylərin heç bir nəticə verməyəcəyini yunan dostlarımıza xatırlatmaq istəyirik”.

Qeyd edək ki, bazar günü Berlində keçiriləcək Liviya konfransına dəvət edilməyən Yunanıstan Liviya Milli Ordusunun rəhbəri marşal Xəlifə Haftarı Afinaya cağırıb. Haftar gizlin şəkildə Afinaya gedərək Yunanıstan Baş naziri Kiriakos Miçotakis və Xarici İşlər naziri Nikos Dendiasla görüşüb. Görüş zamanı əsas müzakirə mövzusunun Türkiyə ilə Liviya Milli Razılıq Hökumətinin başçısı Fayez Sərrac arasında əldə edilən Aralıq dənizi razılaşmasının olduğu qeyd edilib.

Həmçinin yoxlayın

Türk ordusu Rusiya, İran və Əsədin ordusunun hücumuna qarşı döyüşü dava etdirir

GADTB-nin Mətbuat Mərkəzinə daxil olan məlumata görə, Türkiyə Silahlı Qüvvələri və Suriya müxalifləri türklərə aid …

Ana dilinə görə rejimin yaxaladığı Tövhid Əmir Əmini və Kiyanuş Aslaninin həbsindən bir il keçir

GADTB-nin Mətbuat Mərkəzinə daxil olan məlumata görə, irqçi fars rejimin keçən il Beynəlxalq Ana Dili …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir