Cümə axşamı , Dekabr 8 2022
azfa

Ərdəbil divarlarında şüarlar; Abbas Lisani məhdudiyyətlərlə qarşılaşan siyasi məhbus

GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbil şəhərində azərbaycanlı milli fəallar fevral ayının 10-da İranın təhlükəsizlik qüvvələrinin Ərdəbil Mərkəzi zindanında saxlanılan siyasi məhbus Abbas Lisaniyə qarşı öncədən qurduqları plana uyğun ona qarşı yaratdıqları məhdudiyyətlər və qadağalara etiraz olaraq divarlara şüarlar yazıblar.

Azərbaycanlı fəallar yazıblar:

“Qadağalarla qarşılaşan siyasi məhbus; “Abbas Lisaniyə azadlıq”

“Abbs Lisaniyə azadlıq” və s.

Qeyd edək ki, azərbaycanlı siyasi məhbus Abbas Lisani həbs olunduğu gündən bütün məhbus hüquqlarından, o cümlədən yaxınları ilə görüşə və telefon danışığına icazənin verilməməsi, koronovirusun yayıldığı bir vaxtda normal tibbi, müayinə-müalicə xidmətindən məhrum edilməsi, vəsiqə girov qoyulmasına baxmayaraq “yuxarılardan yazılı göstəriş gəlməyib” bəhanəsi ilə tibbi məzuniyyətə buraxılmaması və s. belə məhdudiyyətlərlə qarşılaşmışdır.

O bir müddət öncə rejimin Ərdəbildəki zindanında həbsdə saxlanılan azərbaycanlı siyasi məhbuslarla birgə koronavirusa yoluxdurulmuşdu. Qarabağ müharibəsi başlayandan görüş və telefon əlaqəsinə qadağa qoyulduğu Abbas Lisaninin də koronavirusa yoluxdurulduğu və vəziyyətinin ağır olduğu bildirilirdi.

30 sentyabr tarixində Lisani adına fəaliyyət göstərən “Telegram” və “İnstagram” səhifələrində bir video yayınlanmışdı. Videoda həbsindən bir neçə gün öncə A.Lisani yaxın gələcəkdə işğalçı ermənilərin kabuslarının gerçəkləşəcəyini bildirirdi.

Video çıxışında Abbas Lisani bildirirdi ki; “Ermənistanın ilk prezidenti Levon Ter-Petrosyan parlamentdə Dağlıq Qarabağın işğalçılarına və işğalının tərəfdarlarına Qarabağ məsələsi həll olunmasa, Cənubi Azərbaycan adlı “yatmış dev” ilə qarşılaşacağıq. Əgər o dev oyansa bizi yox edəcək.

Həmin video müraciətdə Abbas Lisani deyirdi ki, “Türk və Azərbaycan düşmənlərinə pis xəbərim var. Onlara bildirmək istəyirəm ki, yatmış dev Azərbaycan artıq oyanıbdır. İran opozisionu dekabr 2017-ci il etirazlarında Azərbaycanın siyasi çəkisini başa düzgün dəyərləndirə bilmədilər. Bu onların ciddi stratejik səhvi idi. Bu gün Azərbaycan güclü şəkildə bir neçə cəbhədə döyüşməəyə qadirdir. Bu cəbhələrdən biridə Qarabağ cəbhəsidir. Vaxtı çatanda hamı Azərbaycanın necə bir güc göstərəcəyinin şahidi olacaq.”

Həmin müraciətdən, eləcə də aksiyalara çağırışlardan bir müddət sonra Güney Azərbaycan şəhərlərtində İranın Ermənistana yardımlarına etiraz olaraq aksiyalar başlandı. Güney Azərbaycanda Azərbaycan Türk Milləti Nurduz keçid məntəqəsinin bağlanmasını tələb etmişdi.

Xatırladaq ki, azərbaycanlı milli fəal Abbas Lisani rejimin məhkəməsi tərəfindən 15 il həbs və 2 il sürgün cəzasına məhkum edilib və hazırda Ərdəbil zindanının 7-ci bölməsində həbsdə saxlanılır. İran Ali Məhkəməsi isə rejimin Ərdəbildə yerləşən Apelyasiya Məhkəməsinin Abbas Lisaniyə qarşı çıxardığı ədalətsiz qərarı olduğu kimi qüvvədə saxlayıb.

Həmçinin yoxlayın

GADTB başqanı sayın Əjdər bəy Tağızadənin “Reaksiya TV”-də “Dalana dirənən molla rejimi hansı addımı atacaq?” mövzusunda çıxışı- Video

GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB), Güney Azərbaycan …

İran növbəti dəfə Ermənistana gizli yollarla silahlar göndərdi

GADTB: oktyabr ayında Tehran gizli yolla Ermənistana İran istehsalı olan 600 ədəd raket göndərib. Göndərilən …