Ərdəbildə işsizlik qəbuledilməz səviyyədədir

GADTB-nin mətbuat mərkəzinin əldə etdiyi məlumata görə Ərdəbil, Nir, Nəmin və Səreyinin İran adlanan ölkənin məclisindəki millət vəkili Məhəmməd Feyzi bu barədə açıqlama verib. O Ərdəbildə işsizliyin  yüksək səviyyədə olduğuna toxunaraq, bu vilayətin məşğulluq planına ehtiyacının olduğunu və onsuz hər idarənin özü bildiyi kimi hərəkət etdiyini qeyd edib.

M.Feyzi deyib ki, biz məşğulluq planına malik olsaq işsizlik səviyyəsini azaltmaq üçün bu barədə müəyyən proqram və fəaliyyətlər həyata keçirə bilərik. O həmçinin İmdad Komitəsi kimi orqanların iş yerləri yaratmaqda müvəffəq olmadıqlarını qeyd edərək, deyib ki, idarələrdə məşğulluq barədə yalan məlumatlar verilməsi və hər şeyin yaxşı olması barədə şişirdilmiş məlumatın verilməsindən çəkinmək lazımdır.

Qeyd edək ki, İran rejiminin məqsədli şəkildə ayrı-seçkilik siyasəti nəticəsində Azərbaycan vilayətləri, o cümlədən Ərdəbil kimi yüksək potensiala malik olan vilayətdə işsizlik baş alıb geir. Bunun əsas səbəbi də Azərbaycanda tənəzzül və türk gənclərin fars bölgələrinə gedib farslaşmalarına şərait yaratmaqdır.