GADTB Güney Azərbaycan Demokratik Türk Birliyi
GADTB: Azərbaycan xalqı XX əsrin birinci yarısında Şimali Azərbaycanda modern və müasir dövlət qurub, Azərbaycanın 3 rəngli bayrağını dövlət bayrağı kimi seçmişlər. Bununla bağlı 1918-ci il noyabrın 9-da Azərbaycan Xalq Cümhuriyyəti Nazirlər Şurası milli bayraq haqqında qərar verib. Nazirlər Şurasının sədri Fətəli Xan Xoyskinin imzaladığı həmin qərarda deyilir: “Milli bayraq kimi yaşıl, qırmızı, mavi rənglərdən, ağ aypara və səkkizguşəli ulduzdan ibarət olan bayraq qəbul edilsin”.
Azərbaycan Respublikası 1991-ci ildə öz müstəqilliyi bərpa etdikdən sonra yenidən həmin bayrağı Azərbaycanın bayrağı elan etdi. 2009-cu ilin noyabr ayında Azərbaycan Dövlət Bayrağı Günü ilə bağlı Azərbaycan Respublikasının Əmək Məcəlləsinin 105-ci maddəsinə əlavə edilmişdir. Əlavəyə əsasən, 9 noyabr Azərbaycanda Dövlət Bayrağı Günü elan olunmuş və bu bayram Azərbaycanda qeyri-iş günü olan bayramların siyahısına daxil edilmişdir.
