گادتب: 2018-جي ايل ماي آيينين 23-ده ايسوئچ واختي ايله 12:30-دان 15:00-دک ايسوئچين پايتاختي استکهلم شهرينده ايسوئچ پارلامئنتينده گونئي آذربايجان ايستيقلالچيلار بيرليگينين (گايپ، گاميت، وماج، گادتب تشکيلاتلارينين) تشبّوسو ايله پارلامئنتده گؤروش و “گونئي آذربايجان پروبلئملري و ايستيقلالا گئدن يول” آدلي کونفرانس کئچيريلدي. کونفرانسدا غئيري-فارس ميلتلرين ده تمثيلچيلري ايشتيراک ائديب.
تدبيرده گونئي آذربايجان ايستيقلالچيلار بيرليگينين باشقاني اژدر تاغيزاده چيخيش ائدهرک، آذربايجان خالق جمهوريتينين 100 ايلليگي موناسيبتي ایله آذربايجان تورک ميلتيني تبريک ائديب و جمهوريتين قيسا تاريخچهسينه توخوناراق، آذربايجان تورک ميلتينين 100 ايل اؤنجه آذربايجانين قوزئيينده آذربايجان خالق جومهوريتيني قورمالاري، لاکين 23 آيدان سونرا روسييانين بو دؤولتي ايشغال ائتمهسي و نهايت اييرمينجی عصرين 90-جي ايلينين اوللرينده خالقيميزين آذربايجان جمهوريتيني يئنيدن برپا ائتمهسيني قئيد ائتدي.
اژدر تاغيزاده همچنين 2006-جي ايلده گونئي آذربايجاندا 2 خورداد قييامينا توخوناراق، تهران رئژيمينين آذربايجان تورک ميلتينه قارشي ايشغالچي، آيري-سئچکيليک، آنتيتورک و آنتي آذربايجان عمللرينين ماهيتيني گئنيش شکيلده آچيقلادي. آذربايجان تورک ميلتي روسييا ايشغالينا بويون اَيمهديگي کيمي، گونئي آذربايجاندا چوخ سايدا شهيد وئرسه ده تهران رئژيمينه ده بويون اَيمهميشدير. ايندي ده فارس شووينيزمينين باسقيسي و ايشغالينا بويون اَيمير و چاليشيرلار گونئي آذربايجانين ايستيقلالي و سووئرئنليگيني الده ائتسينلر. بيز موستقيلليگيميز اوغروندا موباريزه آپاريريق، موستقيلليک طرفداريييق و ايران آدلانان يئرين پارچالانماسي لابوددور.
تدبيرده همچنين عيراق، سورييا، يمن، الاحواز و سایر منطقه لردن اولان و موختليف آوروپا اؤلکهلريندن گلميش عرب فعاللار دا ايشتيراک ائدهرک، چيخيشلاريندا تهران رئژيمينين تئررورچو ماهيتيني ايفشا ائدهرک، غئيري-فارس ميلتلر، تورکلره و عربلره قارشي ايشغالچي و باسقيسينا توخوناراق، تئران رئژيمينين بو سيياسته سون قويماسيني طلب ائتديلر.
آذربايجان رئسپوبليکاسينين قافقاز آراشديرمالار مرکزينين باشقاني سايين صفتر رحيملي قوزئي آذربايجاندان بو تدبيرده ايشتيراک ائديب. او دا بين الخالق حقوق چرچيوهسينده آذربايجانليلارين حقوقلارينا توخونوب، اونلارين حقوقلارينين پوزولدوغونا تاکيد ائتدي. آذربايجانليلارين باشقا غئيري-فارس ميلتلرله حاقلي موباريزهده امکداشليغيني آلقيشلادي.
ايسوئچده فعاليت گؤسترن فئدئراسييانين صدري ستار سئوگين ده بو تدبيرده ايشتيراک ائديب. آذربايجان حقيقتلريني ايسوئچ ايجتيماعيتينه چاتديرماغا چاليشدي. گونئي آذربايجان ايستيقلالچيلار بيرليگينين فعاليتينه توخوناراق، بو بيرليگي آلقيشلاييب بيرليگين ضرورتينه تاکيد ائتدي.
ايسوئچدن مودرات پارتيياسيندان ميلت وکيلي جئجيللا ماگنوسسون (Cecilla Magnusson) چيخيش ائدهرک، ايسوئچ دؤولتينين و اؤزلرينين اينسان حاقلاري، خالقلارين اؤز موقدراتيني تعيين ائتمه بارهده اؤز مؤوقعييني آچيقلادي. پارلامئنت عوضوو گايب-ين تشببوسونو موثبت قييمتلنديرهرک تشکيلاتين گلهجک فعاليتينده اوغورلار آرزولاييب.
گونئي آذربايجان ايستيقلالچيلار بيرليگينين تشکيلاتچيليق و رهبرليگي ايله کئچيريلن کونفرانسدا گايپ آوروپا تمثيلچيسي صمد فرتاش و يوتئبوريدن سعید بي ده تدبیرین تشکيلينده فعالليق گؤستريبلر.
قئيد ائدک کي، ماي آيينين 21-ده بازار ائرتهسي گونئي آذربايجان ايستيقلالچيلار بيرليگيني تشکيل ائدن تشکيلاتلارين رهبرليگي، يعني تشکيلاتين باشقاني اژدر تاغيزاده، ائله جه ده صالح ايلديريم و آيدين مارالانلي بيرليکده ايسوئچ خاريجي ايشلر ناظيرليگينده اولموش و ايسوئچ خاريجي ايشلر ناظيرليگينين اورتا شرق و ايران آدلانان يئر اوزره نمايهسي ايله گؤروشوب فيکير موباديلهسي آپارميشلار.
ايسوئچ خاريجي ايشلر ناظيرليگينين اورتا شرق و ايران آدلانان يئر اوزره مسئولو ايله باش توتان گؤروشده گونئي آذربايجان ايستيقلالچيلار بيرليگينين باشقاني سايين اژدر تاغيزاده گونئي آذربايجان حقيقتلري بارهده ايسوئچلي رسميلره معلومات وئرميشدير. باشقان گونئي آذربايجاندا تورکلرين قديم تاريخه ماليک اولدوغو، 40 ميليونا ياخين آذربايجان تورکونون ايران آدلانان اؤلکهنين ايشغاليندا اولان گونئي آذربايجاندا ياشاديغي و بوتون حوقوقلاريندان محروم ائديلديگي بارهده معلومات وئرميشدير.
گايب-نين رهبرلريندن سايين سالئه ايلديريم ايسه بيلديريب کي، ايران 1946-جي ايلده گونئي آذربايجاني ايشغال ائديب و سويقيريم تؤرهديب. بو گون خالقيميزا قارشي معنوي سويقيريم سيياستي داوام ائدير. آذربايجانليلارين بوتون حوقوق و آزادليقلاري تاپدانيب.
گايب-نين رهبرلريندن سايين آيدين مارالانلي ايسه گونئي آذربايجاندا آزادليق اوغروندا حرکاتدان دانيشاراق، خوصوصيله سون ايللرده داوام ائدن گونئي آذربايجاندا حرکاتيندان معلومات وئرميش، 40 ميليون آذربايجان تورکونون بوتون حوقوقلاريندان محروم ائديلديگيني وورغولاميشدير. او قئيد ائتميشدير کي، ايسوئچ دؤولتي گونئي آذربايجانلا باغلي بو حقيقتلري نظره آلماليدير.
ايسوئچ خاريجي ايشلر ناظيرليگينين اورتا شرق و ايران آدلانان يئر اوزره مسئولو ايسه بيلديردي کي، ايسوئچ رسميلري هر زامان بمت-نين اينسان حاقلاري تشکيلاتلاريندا ايراندا، ائله جه ده اينسان حاقلاري پوزولان سایر اؤلکهلرده اينسان حاقلاري مسئله سيني گوندمه گتيرير. ايران آدلانان يئرده رئژيمين مسئوللاري ايله گؤروشنده ده اينسان حاقلاري مسئله سي اؤنه چکيلير. او سوندا قئيد ائتدي کي، بيز سيزينله هر زامان گونئي آذربايجان مسئله سي ايله باغلي فيکير موباديلهسي آپاراجاغيق. سيز ده هر زامان ايستهسنيز بو بارهده بيزيمله گؤروشه و بيزه آذربايجان حقيقتلريني چاتديرا بيلرسيز. بيز ده اؤز ايشلرميزده بونو نظره آلاريق.
مملكة السويد البرلمان السويدي دكتور فيصل ابو خالد
Publicerat av طاهر ابو نضال الاحوازي den 24 maj 2018
Publicerat av طاهر ابو نضال الاحوازي den 23 maj 2018