İsrail Hərbi Hava Qüvvələri İrandakı hədəflərə hücumu simulyasiya etmək üçün hərbi təlim keçirib

GADTB-nin Mətbuat Mərkəzinə daxil olan məlumata görə, İsrail Hərbi Hava Qüvvələri İrandakı hədəflərə hücumu simulyasiya etmək üçün hərbi təlim keçirib.

“İ24 News”un məlumatına görə, İsrail Hərbi Hava Qüvvələri Şərqi Aralıq dənizi üzərində ABŞ ordusu və Kipr Milli Qvardiyası ilə koordinasiyada birgə təlim keçirib.

Məlumata görə, hərbi təlim “İrana hücum ssenarisi” üçün simulyasiya edilib və “uzaqdan hədəfə hücum” kimi təlimləri əhatə edib.

Eyni zamanda İsrail Xarici İşlər Nazirliyi Azərbaycan, Türkiyə, Ermənistan və Türmənistanda olan vətəndaşlarına xəbərdarlıq edib. Onlardan diqqətli olmaları tələb olunub və bildirilib ki, İran tərəfindən hücuma məruz qala bilərlər.