ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا سیدنئیده شهید ائدیلن تورکیه دیپلوماتلاری – تورکیهنین باش کونسولو شاریک آرییاک و آتاشه ائنگین سئوئرین آنیم تدبیرینه قاتیلیب.
تدبیر تورکیهنین سیدنئی شهریندهکی رسمی کونسوللوق ایقامتگاهی قارشیسیندا باش توتوب. مراسیمده یئنی جنوبی اوئلز (NSW) شتاتینین دؤولت باشچیسی، پولیس دئپارتامئنتینین یوکسک وظیفهلی نمایندهلری، پارلامئنت عضوو لیندا وولتز، تورکیهنین باش کونسولو بئلگین خانیم ائرگونئش، تحصیل آتاشه سی دؤکتور جئم و رسمی قوناقلار ایشتیراک ائدیبلر.
آنیم مراسیمینده سایین میکائیل بی اویتا تورک شهیدلرینین عابدهسی قارشیسینا گول چلنگی قویوب، اونلارین خاطرهلرینی سایغی ایله آنیب.
قئید ائدک کی، تورکیهنین باش کونسولو شاریک آرییاک و آتاشه ائنگین سئوئرین خاطرهسینه کئچیریلهن مراسیم ۲۰۲۴-جو ایل دئکابرین ۱۷-ده آوسترالییانین سیدنئی شهرینده کئچیریلیب. اونلار ۱۷ دئکابر ۱۹۸۰-جی ایلده ائرمنی تئررور تشکیلاتینین هوجومو نتیجهسینده وظیفه باشیندا شهید اولموشدولار.
تدبیردن ویدئو و شکیللری تقدیم ائدیریک:
