ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آپرئلین ۵-ده گونئی آذربایجان دئموکراتیک تورک بیرلیگی (گادتب) بئین الخالق علاقهلر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکائیل بی اویتا و گونئی آذربایجان دئموکراتیک تورک بیرلیگی (گادتب) قادین و اینسان حاقلاری دئپارتامئنتینین صدری سایین سارا خانیم آذرسون تورکیهنین ۲۳ آپرئل میللی سووئرئنلیک و اوشاق بایرامی تدبیرینه قاتیلیبلار.
تدبیر ۲۷ آپرئلده کئچیریلیب. تدبیره تورکییه، آذربایجان، بوسنییا، شیمالی کیپر تورکلری، تاتارلار، یاپونلار و سودانلی ایجمالارین نمایندهلری قاتیلدیلار. بایرامدا دؤولت رسمیلری، تقاعودده اولان اوردو گئنئرالی دئنیس مورئ، سیدنئیین بلدییه باشقانی، تورکیهنین باش کونسوللوغونون تمثیلچیلری، مولتیکولتورال ناظیرلیگینین نمایندهسی، آوسترالییا آذربایجان آسوسیاسییاسی و بیر سیرا تشکیلاتلار ایشتیراک ائتدیلر.
تدبیر چرچیوهسینده اوشاقلار اوچون مختلیف ایلنجهلی پروقراملار، میللی رقصلر و مدنیت نومونهلری تقدیم اولوندو. فرقلی خالقلارا مخصوص رنگارنگ چیخیشلار تدبیره خصوصی رنگ قاتدی. بایرامدا سسلهندیریلهن چیخیشلار آراسیندا آوسترالییا آذربایجان آسوسیاسییاسینین رهبری میکائیل بی اویتانین اینگیلیس دیلینده ائتدیگی چیخیش دا ایشتیراکچیلار طرفیندن بؤیوک ماراقلا قارشیلاندی.
میکاییل بی اویتا چیخیشیندا تدبیر ایشتیراکچیلارینی سلاملایاراق قئید ائدیب کی، ۲۳ آپرئل – اولو اؤندر مصطفی کمال آتاتورکون دونیا اوشاقلارینا هدییه ائتدیگی میللی سووئرئنلیک و اوشاق بایرامیدیر. او بیلدیریب کی، آتاتورک اوشاقلاری بیر میللتین گله جه یی حساب ائدیب و اونلارا باریش، دئموکراتییا و موستقیللیک کیمی دیرلری امانت ائدیب.
میکاییل بی اویتا چیخیشیندا آتاتورکون مشهور سؤزلرینی تدبیر ایشتیراکچیلارینا خاطیرلادیب:
«کیچیک خانیملار، کیچیک بیلر! سیزلر گله جه یین بیرر گولو، اولدوزو و ایشیغیسینیز. ان بؤیوک گوج قلبینیزده و زهنینیزدهدیر.»
میکاییل بی اویتا وورغولاییب کی، بو سؤزلر بو گون ده آکتواللیغینی قورویور و هر بیر اوشاغین قلبینده داشیدیغی سئوگی، گوج و اومید اینسانلیغین گله جه یینی فورمالاشدیراجاق. او، اوشاقلارین خوشبخت گله جه یی اوغروندا بیرگه چالیشمانین اینسانلیغین عمومی بورجو اولدوغونو قئید ائدیب.
سوندا میکاییل بی اویتا آوسترالییا آذربایجان آسوسیاسییاسی آدیندان بوتون اوشاقلاری و تدبیر ایشتیراکچیلارینی ۲۳ آپرئل بایرامی موناسیبتیله تبریک ائدیب، دونیا اوشاقلارینا خوشبختلیک، صلح و اوغورلار آرزولاییب.
سیدنئیده کئچیریلهن بو بایرام تدبیری مدنی موختلیفلیگین، خالقلار آراسیندا دوستلوغون و صلحون ان گؤزل نومونهلریندن بیرینه چئوریلدی.
سایین میکاییل بیین چیخیشینین متنی:
Good afternoon Distinguished Turkiye Consul General, Esteemed Guests, and Dear Children,
Today, we come together to celebrate April 23rd, National Sovereignty and Children’s Day, a gift from Mustafa Kemal Atatürk to the children of the world.
Atatürk believed that children are the future of a nation. He entrusted them with the values of peace, democracy, and independence, knowing that they will build a brighter tomorrow. His words remind us:
“Little ladies, little gentlemen! You are all a star, a ray of light, the future itself. The real power is in your hearts and minds.”
On this special day, let us remember our responsibility to raise children who are strong, free, and full of hope.
Behalf of Australian Azerbaijan…
https://www.youtube.com/shorts/ZviwckkMxUQ
