ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییانین باش ناظری ائنتونی آلبانئس گونئی آذربایجان دئموکراتیک تورک بیرلیگی (گادتب) بئین الخالق علاقهلر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکائیل اویتایا سئچکیلرده لئیبوریستلر پارتییاسینی دستکله دیگی اوچون تشکور مکتوبو عنوانلاییب.
باش ناظیر مکتوبونون بیر حیسهسینده یازیر: «آوسترالییا ایشچی پارتییاسی آدیندان بو کامپانییا زامانی گؤستردیگینیز اینانیلماز دستهیه گؤره سیزه تشکور ائتمک ایسته ییرم.
سیزین باش ناظرینیز و پارتییامیزین لیدئری کیمی خیدمت ائتمک منیم حیاتیمین ان بؤیوک شرفیدیر. هر گون بو قیطعه کیمی گئنیش بیر حرکاتین بیر حیسهسی اولدوغومو بیلدیگیم اوچون سئوینیرم. بو، سیزین کیمی میلیونلارلا اینساندان عبارت، آوسترالییالیلارین اؤزلری کیمی سخاوتلی و عدالتلی بیر جمعیت قورماغا حصر اولونموش حرکاتدیر…»
باش ناظرین تشکور مکتوبونون تام متنینی آشاغیداکی لینکدن اوخویا بیلرسینیز:
عینی زاماندا دیگر رسمیلر ده سایین میکائیل بیه تشکور مکتوبو گؤندریبلر:
همچینین سایین میکاییل بی اویتا دستکله دیگی لئیبوریستلر پارتییاسینین غلبه قازانماسی موناسیبتی ایله آوسترالییا خاریجی ایشلر ناظری پئننی وونقا تبریک مکتوبو عنوانلاییب. مکتوبدا یازیلیب:
حؤرمتلی ناظیر،
آوسترالییا آذربایجانلیلاری آسوسیاسییاسی آدیندان سئناتور پئننی وونق و ایشچی پارتییاسینی اؤتن شنبه گونو ۳ مای ۲۰۲۵-جی ایل سئچکیلرینده اهمیتلی فرقله فانتاستیک غلبهیه گؤره تبریک ائتمک ایستردیم.
سیزه اوغورلارین داواملی اولماسینی و میللی ماراقلار نامینه قارشییا قویدوغونوز بوتون مثبت مقصدلره نائل اولماغی آرزولاییریق. همیشه اولدوغو کیمی، ایجمامیز، امک پارتییاسی ایله بیرلیکده سیزی بوتون آوسترالییادا دستکله ییر.
صمیمی قلبدن
میکائیل اویتا
آوسترالییا آذربایجان آسوسیاسییاسینین پرئزیدئنتی
