ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) قادین و اینسان حاقلاری دئپارتامئنتینین صدری سایین سارا خانیم آذرسون لئیبوریستلر پارتییاسینین سئچکیلرده غلبهسی و پئنن وونقون خاریجی ایشلر ناظری وظیفهسینه یئنیدن تعیین ائدیلمهسی موناسیبتی ایله اونا تبریک مکتوبو عنوانلاییب.
سایین سارا خانیمین مکتوبونو اولدوغو کیمی تقدیم دیریک:
مای ۲۰۲۵ فئدئرال سئچکیلرینده غلبهنیز موناسیبتیله تبریک ائدیریک
حؤرمتلی سئناتور وونق،
گونئی آذربایجان دئموکراتیک تورک بیرلیگینین (گادتب) قادین و اینسان حاقلاری دئپارتامئنتی آدیندان موهوم غلبهنیز و آوسترالییانین خاریجی ایشلر ناظیری وظیفهسینه یئنیدن تعیین اولونماغینیز موناسیبتیله اورکدن تبریکلریمیزی چاتدیرماق ایستردیم.
سیزین لیدئرلیگینیز، دوروستلویونوز و دئموکراتیک ده یرلره و بئین الخالق اینسان حقوقلارینا صادیقلیگینیز اوزون مدتدیر تانینیب و حیرانلیقلا قارشیلانیب و بیز امینیک کی، خاریجی سیاستده داواملی رولونوز آوسترالییانین آزادلیق، برابرلیک و عدالتی مدافعه ائدن بیر دؤولت کیمی قلوبال مؤوقعیینی داها دا آرتیراجاق.
سیز بو یئنی مدته باشلادیغینیز زامان ایراندا سیستئملی تضییق، مدنی سویقیریم و گئندئر برابرلیگی پروبلئملری، اساسلی آیری-سئچکیلیکله اوزلشمکده داوام ائدن قادینلارین و ائتنیک آزلیقلارین، خصوصاً ده گونئی آذربایجان تورک توپلومونون فوندامئنتال حقوقلارینا دسته یینیزی حؤرمتله طلب ائدیریک. بیز همچینین ایسلام اینقیلابی کئشیکچیلری کورپوسونون (سپاه) گوناهسیز مولکی شخصلره، قادینلارا و آزلیق قروپلارینا قارشی داوام ائدن زوراکیلیق و رئپرئسییا آکتلارینا اویغون اولاراق تئررور تشکیلاتی کیمی تانینماسی اوچون مراجعت ائدیریک.
بیز سیزین معنوی آیدینلیغینیزا و عمومبشری اینسان حقوقلارینین مدافعهسینه صادیقلیینیزه گووهنیریک و بو آکتوال مسئلهلرده معنالی دیالوق و امکداشلیق ایمکانلارینا اومید ائدیریک.
بیر داها سیزی لاییقلی اوغورونوز موناسیبتیله تبریک ائدیرهم. آوسترالییا خالقی آدیندان موهوم وظیفهلرینیزی یئرینه یئتیررکن سیزه بؤیوک گوج و مودریکلیک آرزولاییریق.
حؤرمتله،
سارا آذرسون
قادین و اینسان حقوقلاری دئپارتامئنتینین صدری
گونئی آذربایجان دئموکراتیک تورک بیرلیگی (گادتب)
