GADTB Güney Azərbaycan Demokratik Türk Birliyi
GADTB: İrqçi fars-molla rejimin həbas etdiyi azərbaycanlı Türk fəal Mürtəza Həqir İntizarın həbsi davam edir.
Azərbaycanlı fəal həbs edilərək, Təbrizdə rejimin SEPAH-nın Kəşfiyyat Təcridxanasına köçürülüb.
İntizar bu barədə ailəsi ilə apardığı telefon danışığı zamanı məlumat verib.
Azərbaycanlı fəal bildirib ki, onun işi Fəth Polis Prokurorluğuna verilib. Lakin ittihamlar, məhkəmə prosesi və ya saxlanma şəraiti ilə bağlı heç bir təfərrüat açıqlanmayıb və onun səhhəti və hüquqi statusu ilə bağlı narahatlıqlar davam edir.
Qeyd edək ki, Mürtəza Həqir İntizar evində mülki geyimli zabitlər tərəfindən həbs edilib. Məmurlar evdə axtarış apardıqdan sonra məhkəmə qərarı və həbsin səbəbi ilə bağlı izahat vermədən onu naməlum yerə aparıblar. O, telefon əlaqəsi saxlayana qədər ailəsi onun taleyi haqqında xəbərsiz qalıb.
