GADTB Güney Azərbaycan Demokratik Türk Birliyi
GADTB: Urmiya gölünün ətrafından 19 sentyabr 2025-cü il cümə günü yayılan görüntülər Urmiya gölünün quruması ilə əlaqədar duz fırtınasının başladığını göstərir.
Urmiya gölünün böyük bir hissəsinin quruması və yatağının duzlu bataqlığa çevrilməsi ilə əlaqədar ekologiya mütəxəssisləri əvvəllər duz fırtınalarının başlaması və onun Güney Azərbaycanda və qonşu bölgələrdə milyonlarla insan üçün təhlükəli nəticələri barədə xəbərdarlıq etmişdilər.
Mütəxəssislərin fikrincə, bu tendensiya davam edərsə, duzlu toz bölgədə əhalinin sağlamlığına, kənd təsərrüfatına, sosial həyatına ciddi təhlükə yaradacaq və sakinlərin məcburi köçü ehtimalı artacaq. Onlar vurğulayırlar ki, fəlakətin qarşısını almaq üçün gölə lazım olan minimum su ilə təmin etmək və dərhal bərpa proqramlarını həyata keçirmək lazımdır.
