GADTB Güney Azərbaycan Demokratik Türk Birliyi
GADTB: Urmiya gölünün son kritik vəziyyətini müşahidə etmək və öyrənmək üçün bölgəyə gedən Kərim İsmayılzadə, Siamək Kuşi və Yunus Zareyun adlı üç azərbaycanlı vətəndaş fəal 25 sentabr 2025-ci il tarixində təhlükəsizlik qüvvələri tərəfindən həbs edilib və bir neçə saatlıq sorğu-sualdan sonra sərbəst buraxılıb.
Azərbaycanlı fəallar Urmiya gölünün sahilində olarkən kəşfiyyat qüvvələri tərəfindən həbs edilərək vilayət polis idarəsinə aparılıb və bir neçə saatlıq sorğu-sualdan sonra sərbəst buraxılıblar. Lakin onların mobil telefonları məmurlar tərəfindən götürülüb.
Azərbaycanlı fəalların ifadələrinə görə, dindirmə zamanı təhlükəsizlik işçiləri Urmu gölünün qurumasının “hava şəraiti və yağışın olmaması səbəbindən” olduğunu açıqlayıb və onun vəziyyətini əks etdirən foto və videoların hazırlanmasını “ictimai rəyi narahat edən” və “qanunsuz” hərəkət kimi qiymətləndiriblər.
