GADTB Güney Azərbaycan Demokratik Türk Birliyi
GADTB: Azərbaycanlı mədəni fəal Peyman İbrahimi 500 milyon tümən girov müqabilində şənbə günü Təbriz Mərkəzi Həbsxanasından müvəqqəti olaraq azad edilib.
Yayımlanan xəbərlərə görə, fiziki vəziyyətinin pisləşməsi və danışa bilməməsi səbəbindən ailəsi onu azad edildikdən dərhal sonra xəstəxanaya köçürüb.
İlkin tibbi müayinələrə görə, cənab İbrahiminin xəstəxanaya köçürülərkən ürək döyüntüsünün 45 olduğu bildirilir. Sentyabrın 10-da həbs olunduqdan sonra o, ailəsi ilə cəmi bir neçə saniyə telefon danışığı apara bilib və bundan sonra ailəsi onun durumundan tamamilə xəbərsiz olub.
Qeyd edək ki, həbs olunduğu gün Təbrizdə İstintaq İdarəsinin 15-ci şöbəsinin əməkdaşları P.İbrahiminin məhkəməsinin çərşənbə günü, oktyabrın 25-də keçiriləcəyi barədə ailəsinə məlumat vermişdilər.Amma ailə yuxarıda adı çəkilən şöbəyə getdikdə onun dindirilməyə göndərilmədiyi məlum olub ki, bu da ailənin narahatlığını artırıb.
İndi isə zaminə buraxılmasına baxmayaraq, Peyman İbrahiminin fiziki vəziyyətinin narahatlıq doğurduğu bildirilir, ailəsi hələ də onun saxlanma şəraiti və səhhəti ilə bağlı aydınlıq gözləyir.
