Finlandiyalı siyasətçidən molla rejimin həbsə məhkum etdiyi azərbaycanlı tələbəyə dəstək

GADTB: Finlandiya parlamentinin millət vəkili Jossi Saramo mola rejimi edamları dayandırmağa çağırıb.

Jossi Saramo bununla bağlı özünün sosial media hesabıda paylaşım edərək, edama məhkum edilmiş Təbriz universtetinin tələbəsi Ehsan Fəridinin fotosunu paylaşıb və insan haqları təşkilatları, eləcə də beynəlxalq ictimaiyyətdən onun həyatını xilas etməyi istəyib.

Qeyd edək ki, Ehsan Fəridi “müharibə” (dini hakimiyyətə qarşı çıxmaq) ittihamına görə ölüm cəzasına məhkum edilib.

Onun barəsində ölüm hökmü Təhlükəsizlik və Kəşfiyyat Nazirliyinin (ETTELAAT) məlumatlarına istinad edilərək verilib.

Bir neçə gün əvvəl isə İran Ali Məhkəməsi gənc tələbənin barəsində çıxarılan ölüm hökmünü təsdiq edib.

E.Fəridi Təbriz universotetinin inşaat və istehsalat mühəndisliyi fakültəsinin tələbəsi Ehsan Fəridi 19 may 2024-cü ildə Ümumi və İnqilab Məhkəməsinə çağırıldıqdan sonra həbs edilərək Təbrizin mərkəzi həbsxanasına köçürülüb.