ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا آذربایجان پرئزیدئنتی جناب ایلهام علیئوه تبریک مکتوبو عنوانلاییب.
مکتوبو اولدوغو کیمی تقدیم ائدیریک:
آذربایجان رئسپوبلیکاسینین پرئزیدئنتی
ذات عالیلری جناب ایلهام علیئوه
حؤرمتلی جناب پرئزیدئنت،
مقدس قاراباغ تورپاغینین ایشغالدان آزاد اولونماسی ظفرینین بئشینجی ایلینده، سیزی دوغوم گونونوز موناسیبتیله، آوسترالییادا یاشایان آذربایجانلیلار آدیندان، آوسترالییا آذربایجان آسوسیاسییاسی اولاراق صمیمی-قلبدن تبریک ائدیریک.
سیزین رهبرلیگینیز آلتیندا آذربایجان رئسپوبلیکاسی موستقیل، گوجلو و نفوذلو دؤولت کیمی بئین الخالق عالمده لاییقلی یئرینی محکملندیرمیش، میللی ماراقلارینی قطعیتله قورویان، گلهجهیه ایناملا آددیملایان بیر اؤلکهیه چئوریلمیشدیر. دؤولتچیلییمیزین محکملندیریلمهسی، خالقیمیزین ریفاهینین یوکسلدیلمهسی و آذربایجان دیاسپورونون دونیا میقیاسیندا بیرلیگینین گوجلهنمهسی ایستیقامتینده گؤستردیگینیز آردیجیل فعالیت یوکسک ده یرلندیریلیر.
عینی زاماندا، ۳۱ دئکابر – دونیا آذربایجانلیلارینین همرأیلیگی گونو موناسیبتیله سیزی اورکدن تبریک ائدیریک. بو علامتدار گون دونیانین موختلیف اؤلکهلرینده یاشایان ۵۵ میلیون آزربایجانلینین میللی کیملیک، مدنیت و دؤولتچیلیک ایدهآللاری اطرافیندا بیرلیگینی ایفاده ائدیر. دیاسپور تشکیلاتلارینین گوجلهنمهسی و آنا وطنله علاقهلرینین محکهملنمهسی ایستیقامتینده آپاریلان دؤولت سیاستی بیزلر اوچون خصوصی غرور منبعییدیر.
آوسترالییادا یاشایان آذربایجانلیلار اولاراق، آذربایجان رئسپوبلیکاسینین اینکیشافی، بئین الخالق نفوذونون آرتماسی و خالقیمیزین همرأیلیگی نامینه آتیلان هر بیر آددیمی دستکله دیگیمیزی بیلدیریر، سیزه ان خوش آرزولاریمیزی چاتدیریریق.
ذات عالیلری، سیزه محکم جان ساغلیغی، اوزون عؤمور، دؤولتچیلیک فعالیتینیزده داواملی اوغورلار، آذربایجان خالقینا و دؤولتینه خیدمت یولوندا یئنی نایلیتلر آرزولاییریق.
درین حؤرمتله،
میکائیل اویتا
آوسترالییا آذربایجان آسوسیاسییاسینین پرئزیدئنتی
