ادتاج اتحادیه دمکراتیک ترک آذربایجان جنوبی
گادتب: بو گون آوسترالییانین سیدنئی شهرینده هانوکا بایرامی زامانی باش وئرمیش آمانسیز تئررور آکتی نتیجهسینده حیاتینی ایتیرنلرین آنیم مراسیمی کئچیریلیب.
آوسترالییا آذربایجان آسوسیاسییاسینین نمایندهسی سایین میکائیل بی اویتا، گونئی آذربایجان دئموکراتیک تورک بیرلیگی (گادتب) اینسان حاقلاری دئپارتامئنتینین صدری سایین سارا خانیم آزرسون، قالیپولی یاشلیلار ائوینین مدیری دکتر عبدالرحمان، کوزئی کیپر تورک جومهوریتینین NSW ایالت آسوسییاسینین پرئزیدئنتی موگه خانیم و تورک آسوسییاسینین پرئزیدئنتی مئحمئت ائوین حادثه یئرینه گئدهرک باش ساغلیغی وئرمیش و تئررور آکتینا قارشی نیفرتلرینی ایفاده ائتمیشلر.
قوناقلار وورغولامیشلار کی، بو اؤلکهده بیر-بیریمیزدن فرقلی میللتلره منسوب اولساق دا، بئله جینایتلری تؤرهدنلری آییرماق مومکون دئییل و اینسان حیاتینین قورونماسی هر بیریمیزین پریوریتئتیدیر.
قئید ائدک کی، هانوکا بایرامی زامانی سیدنئی شهرینده باش وئرمیش آمانسیز تئررور آکتی نتیجهسینده ۱۵ نفر حیاتینی ایتیرمیش، اونلارلا اینسان یارالاناراق خستخانالاردا معالیجه اولونموشدور.
