ادتاج اتحادیه دمکراتیک ترک آذربایجان جنوبی
گادتب: گونئی آذربایجان دئموکراتیک تورک بیرلیگی (گادتب) اینسان حاقلاری دئپارتامئنتینین صدری سایین سارا خانیم آذرسون ایراندا گونئی آذربایجانلیلارین اینسان حقوقلاری و اؤز موقددراتینی تعیین ائتمه حقوقو ایله باغلی بیرلشمیش میللتلر تشکیلاتی و آوسترالییا رسمیلرینه مکتوبلا مراجعت ائدیب. ایندی ایسه سایین سارا خانیمین بو بارهده آوسترالییانین خاریجی ایشلر ناظری پئننی وونقا مکتوبونو تقدیم ائدیریک:
ایراندا گونئی آذربایجانلیلارین اینسان حقوقلاری و اؤز موقددراتینی تعیین ائتمه حقوقو
گونئی آذربایجان دئموکراتیک تورک بیرلیگی (گادتب) آدیندان سیزه مراجعت ائدرک، «ایران» آدلی دؤولتده، خصوصیله گونئی آذربایجان خالقینا قارشی داوام ائدن و گئتدیکجه درینلشهن آغیر اینسان حقوقلاری بحرانینا دقتینیزی جلب ائتمک ایسته ییریک.
ایران چوخ میللتلی بیر دؤولتدیر و بورادا ۴۰ میلیوندان آرتیق گونئی آذربایجانلی یاشاییر. بیر عصردن آرتیقدیر کی، هم پهلوی مونارخییاسی، هم ده حاضیرکی دینی-موللا رئژیمی دؤورونده گونئی آذربایجان ایشغال، سیستئملی آیری-سئچکیلیک و سیاسی رئپرئسیالارا معروض قالمیشدیر. گونئی آذربایجانلیلارین آنا دیلینده تحصیل آلماق حقوقو قاداغان ائدیلمیش، آکادئمیک و مدهنی فعالیتلری جدی شکیلده محدودلاشدیریلمیش، ان اساس مدهنی حقوقلاری الیندن آلینمیشدیر.
بونونلا یاناشی، گونئی آذربایجاندا موللا رئژیمین آیری-سئچکیلیک و داغیدیجی سیاستی نتیجهسینده گئنیش میقیاسلی ائکولوژی فلاکت یاشانیر. اورمییا گؤلونون دئمک اولار کی، تامامیله قوروماسی، ائلهجه ده فایدالی قازینتیلارین و قیزیل یاتاقلارینین نظارتسیز و تالانچی شکیلده ایستیثماری اطراف موحیطی محو ائدیر، اجتماعی ساغلاملیغا جدی ضرر وورور و یئرلی خالقلارین اقتصادی اساسلارینی داغیدیر.
ایرانین موختلیف بؤلگهلرینده باش وئرهن سون عموم میللی اعتراضلار — آغیر اقتصادی بحران، کسکین اینفلیاسییا و سیاسی ظلم سببیله — ایران حاکمیتی، خصوصیله ایسلام اینقیلابی کئشیکچیلری کورپوسو (سئپاه) طرفیندن قددار زوراکیلیقلا یاتیریلمیشدیر. اعتبارلی منبعلر آشاغیداکی حاللاری سندلشدیریر:
* مولکی اهالییه قارشی جانلی گول لهلردن ایستیفاده
* خستخانالار و اونیوئرسیتئتلره هوجوملار
* اؤزباشینا حبسلر، ایشگنجهلر و زورلا یوخا چیخارمالار
بو عمللر بئین الخالق اینسان حقوقلاری و هومانیتار حقوقون جدی شکیلده پوزولماسیدیر.
یوخاریدا قئید اولونانلاری نظره آلاراق، آوسترالییا فئدئرال پارلامئنتینی آشاغیداکی آددیملاری آتماغا چاغیریریق:
۱. گونئی آذربایجان خالقینین اؤز موقددراتینی تعیین ائتمه حقوقونو، او جملهدن ایراندان موستقیللیک ایستیقامتیندهکی لئگیتیم ایستکلرینی تانیماق.
۲. ایران دؤولتینین مولکی اهالییه و ائتنیک خالقلارا قارشی تطبیق ائتدیگی زوراکیلیغی آچیق شکیلده پیسلهمک.
۳. اینسان حقوقلارینین پوزولماسینا گؤره مسئول شخصلرین بئین الخالق سوییهده جاوابدهلیک داشیماسینا یؤنلمیش مئخانیزملری دستکلهمک.
۴. عدالت، ائکولوژی محافظه و مدهنی-دیل حقوقلارینین قورونماسی اوغروندا موباریزه آپاران مظلوم خالقلارلا همرأیلیک نوماییش ائتدیرمک.
تشکیلاتیمیز بو مؤوضوع ایله ماراقلانان پارلامئنت عضولرینه بیرباشا بریفینقلر تقدیم ائتمهیه و علاوه سندلرله تامین ائتمهیه حاضردیر.
آوسترالییا اینسان حقوقلاری، دئموکراتیک ده یرلر و حقوقون عالیلیگی ساحهسینده اوزون مدتلی عهدهلیکلره مالیکدیر. حؤرمتله خاهیش ائدیریک کی، بو عهدهلیک گونئی آذربایجان خالقینا و ایران داخیلینده سیخیشدیریلان دیگر خالقلارا دا شامیل ائدیلسین.
حؤرمتله،
سارا آزارسون
گونئی آذربایجان دئموکراتیک تورک بیرلیگی (گادتب)
بئین الخالق اینسان حقوقلاری دئپارتامئنتینین رهبری
مکتوبون اینگیلیسجه متنینی تقدیم ائدیریک:
