Molla rejimin Təbrizdə həbs etdiyi 14 yaşlı uşaq Taha Rzayinin vəziyyəti barədə məlumat verilmir

GADTB: Hüquq müdafiəçilərinin məlumatına görə, Təbriz sakini olan 14 yaşlı uşaq Taha Rzayi 18 dey tarixində şəhərin Nisf-rah məhəlləsində molla rejimin qüvvələri tərəfindən saxlanılıb. Həmin tarixdən etibarən onun saxlanıldığı yer, hüquqi durumu, eləcə də fiziki və psixoloji vəziyyəti ilə bağlı ailəsinə heç bir rəsmi və aydın məlumat verilməyib.

Qeyd edək ki, bir uşağın ailəyə şəffaf məlumat verilmədən saxlanılması, vəkilə çıxışının təmin olunmaması və qanuni təminatlardan məhrum edilməsi İran İslam Respublikasının üzərinə götürdüyü beynəlxalq öhdəliklərin, o cümlədən Uşaq Hüquqları Konvensiyasının və ədalətli məhkəmə araşdırmasının əsas prinsiplərinin açıq şəkildə pozulmasıdır. Hüquq müdafiəçiləri vurğulayırlar ki, məcburi yoxa çıxarma, hətta müvəqqəti xarakter daşısa belə, beynəlxalq hüquq baxımından ciddi insan hüquqları pozuntusu hesab olunur.