ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) اینسان حقوقلاری دئپارتامئنتینین رهبری سایین سارا آذرسون موللا رئژیمین گونئی آذربایجاندا اعتراضلاری زورلا یاتیرماسی و گونئی آذربایجاندا اهالینین حقوقلاری و اؤز موقدراتینی تعیین ائتمه حقوقونون تانینماسی ضرورتی بارهده آوسترالییا رسمیلرینه مکتوبلا مراجعتینه جاواب گلیب.
جاواب مکتوبونو اولدوغو کیمی تقدیم ائدیریک:
حؤرمتلی خانیم آذرسون!
ایرانداکی سون اعتراضلارلا باغلی ۸ یانوار ۲۰۲۶-جی ایل تاریخلی الکترون مکتوبونوزا گؤره تشکور ائدیریک. بو جاواب خاریجی ایشلر ناظری آدیندان تقدیم اولونور.
آوسترالییا حکومتی ایران رئژیمینین اعتراض فعالیتلرینی بوغماق اوچون زوراکیلیقدان ایستیفاده ائتمهسینی قطعی شکیلده پیسله ییر. گوناهسیز مولکی شخصلره قارشی تؤرهدیلهن قدارلیغین دهشتلی میقیاسیندان درین ناراحاتلیق دویوروق.
۳ فئورال ۲۰۲۶-جی ایل تاریخینده آوسترالییا ایرانین اؤز خالقینا قارشی آمانسیز رئپرئسییالارینا جاواب اولاراق ۲۰ شخصه و ۳ قوروما قارشی علاوه، مقصدلی مالییه سانکسییالاری تطبیق ائتمیشدیر. سانکسییا تطبیق ائدیلنلر آراسیندا ایران خالقینین سیخیشدیریلماسیندا، ائلهجه ده هم ایران داخیلینده، هم ده اؤلکه خاریجینده حیاتلارا تهلوکه تؤرتمکده ایشتیراک ائدن ایسلام اینقیلابی کئشیکچیلری کورپوسونون (سپاه) یوکسک وظیفهلی رسمیلری و قوروملاری دا واردیر.
باش ناظر جناب ائنتونی آلبانیزی، دئپوتات، و خاریجی ایشلر ناظری، سئناتور خانیم پئنی وونق، ایران حاکمیتینی درحال اعتراضچیلارا قارشی قتللره، گوج تطبیقینه، اؤزباشینا حبسلره و تئلئکوممونیکاسییا بلوکادالارینا سون قویماغا چاغیران بیر سیرا بیاناتلار یاییملامیشلار. حکومت رسمیلری بو ناراحاتلیقلاری کانبئرراداکی ایران سفیرلیگینین رهبرینه بیرباشا چاتدیرمیشدیر. بیز آچیق شکیلده بیلدیرمیشیک کی، ایران حاکمیتی وطنداشلارینین فوندامئنتال حقوقلارینی قورومالی و بو وحشیلیکلره گؤره مسئولیت داشییانلارین هامیسینی جاوابده توتمالیدیر.
بیز، همچینین، چوخ طرفلی فوروملاردا طرفداشلاریمیزلا فعال امکداشلیق ائدرک ایران رئژیمینین اؤز وطنداشلارینی قوروماسی اوچون تضییقلرین آرتیریلماسی ایستیقامتینده چالیشمیشیق. ۲۰۲۶-جی ایلین یانوار آییندا آوسترالییا بیرلشمیش میللتلر تشکیلاتینین اینسان حقوقلاری شوراسینین خصوصی سسییاسینین چاغیریلماسی ایله باغلی قطعنامهیه هم مولیفلیک ائتمیشدیر. بو سسییانین مقصدی ایرانداکی اعتراضلارین آمانسیز شکیلده یاتیریلماسینی موذاکیره ائتمک، همچینین ایراندا فاکت آراشدیریجی میسسییانین و ایران اوزره خصوصی معروضه چینین مانداتلارینی یئنیله مک ایدی. خصوصی سسییادا آوسترالییا ایران حکومتینین اؤز خالقینا قارشی زوراکیلیقدان ایستیفادهسینی بیرمعنالی شکیلده پیسلهیهن میللی بیاناتلا چیخیش ائتمیشدیر.
آوسترالییا حکومتی ایران رئژیمینی تؤرتدیگی سوء-ایستیفادهلره گؤره مسئولیته جلب ائتمک اوچون آردیجیل شکیلده قطعی آددیملار آتمیشدیر. ۲۰۲۲-جی ایلده مهسا امینینین اؤلوموندن بری بیز آرتیق ۲۲۰-دن چوخ ایرانلی شخص و قوروما قارشی سانکسییالار تطبیق ائتمیشیک. بوندان علاوه، ۲۰۲۵-جی ایلین نویابر آییندا سپاه آوسترالییا قانونوئریجیلیگینه اساساً «دؤولت طرفیندن دستکلنهن تئررور تشکیلاتی» کیمی سیاهییا آلینمیشدیر. بو آددیم، زوراکیلیق و حده-قورخو مئتودلارینی هم اؤلکه داخیلینده، هم ده خاریجده قطعیتله رد ائتدیگیمیزه دایر آچیق مئساژدیر.
بیز ظالم رئژیمه قارشی اینسان حقوقلاری و اساس آزادلیقلار اوغروندا مباریزهلرینده ایرانین جسور خالقی ایله همرأی اولماغا داوام ائده جه ییک.
اومید ائدیرهم کی، بو معلوماتلار سیزین اوچون فایدالی اولاجاقدیر.
حؤرمتله،
Matthew Wise
کؤمکچی کاتیب
یاخین شرق شعبهسی
خاریجی ایشلر و تیجارت ناظرلیگی
مکتوبو تقدیم ائدیریک:
