ادتاج اتحادیه دمکراتیک ترک آذربایجان جنوبی
گادتب: آوسترالییا آذربایجان آسوسیاسینین پرئزیدئنتی، گونئ آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل اویتا ایران آدلانان اؤلکهنین اسارتی آلتیندا گونئی آذربایجاندا یاشایان آذربایجان تورکلرینین دونیا سوییهسینده حقوقلارینین تانینماسی ضرورتی بارهده آوسترالییا خاریجی ایشلر ناظری پئننی – وونگا مکتوبلا مراجعت ائدیب.
سایین میکائیل بیین مکتوبونون ترجومهسینی و اینگیلیسجه متنینی تقدیم ائدیریک:
«جنوبی آذربایجان دئموکراتیک تورک بیرلیگی (گادتب) آدیندان سیزی و آوسترالییا حکومتینی ایرانین اینقیلاب کئشیکچیلری کورپوسونون تئررور تشکیلاتی کیمی تانینماسی بارهده سون قرارلا الاقدار تبریک ائتمک ایستییرم. بو آددیم بئین الخالق صلحه و اینسان حقوقلارینین قورونماسینا گوجلو صادیقلیین نوماییشیدیر.
بو گون ایران آدلانان اؤلکه تاریخاً موختلیف دؤولتلرین مجموسوندان عبارت اولموشدور. اونلارین آراسیندا قاجار سولالهسینین حاکمیتی آلتیندا اولان و عرب اهوازی، بلوجیستان، آذربایجان، فارسیستان و کوردیستان کیمی بؤلگهلری احاطه ائدن دؤولتلر ده واردی. بیر عصردن آرتیق اول خاریجی تأثیرین دسته یی ایله پهلوی سولالهسی بو بؤلگهلری زورلا بیرلشدیرهرک اونلاری «ایران» آدی آلتیندا توپلادی. او واختدان بری بیر چوخ غئیری-فارس خالقلاری سیستئملی آسیمیلیاسییا سیاستی ایله اوزلشمیش، بونون نتیجهسینده اونلارین دیللرینه، مدنیتلرینه، اقتصادیاتلارینا، اطراف موحیطلرینه و یئرلی ایدارئتمهلرینه جدی تأثیرلر اولموشدور.
آوسترالییادا یاشایان جنوبی آذربایجانلیلار و آذربایجان دیاسپورونون عضولری اولاراق، تشکیلاتیمیز – جنوبی آذربایجان دئموکراتیک تورک بیرلیگی (گادتب) – آوسترالییانین مولتیکولتورال چرچیوهسی داخیلینده تانینمیش بیر قورومدور. بیز ایراندا یاشایان تخمیناً ۴۰ میلیون اینسان اوچون اؤز موقددراتینی دینج شکیلده تعیین ائتمک و حقوقولارینین برپاسینی مدافعه ائدن فعاللاری تمثیل ائدیریک. اینانیریق کی، آرتیق جنوبی آذربایجانلیلارین و دیگر کناردا قالمیش خالقلارین اؤز سیاسی گلهجکلرینی و مدنی کیملیکلرینی فورمالاشدیرماق پروسئسینده سؤز صاحبی اولمالارینین واختی چاتمیشدیر. اونلارین حقوقلارینین تانینماسی حقیقی صلحون قورولماسینا و قارشیلیقلی حؤرمت و آزادلیق پرینسیپلرینه اساسلانان کونستروکتیو بئین الخالق موناسیبتلرین اینکیشافینا کؤمک ائده بیلر.
بیز آوسترالییا حکومتینی بؤلگهده اینسان حقوقلارینی، برابرلیگی و اؤز موقددراتینی دینج شکیلده تعیین ائتمک تشببوثلرینی ایزلهمهیه و دستکلهمهیه داوام ائتمهیه حؤرمتله تشویق ائدیریک.
بو موهوم مسئلهلره دقت یئتیردیینیز و اونلاری نظره آلدیغینیز اوچون تشکور ائدیریک.
حؤرمتله،
میکائیل اویتا
آذربایجان دئموکراتیک تورک بیرلیگینین (گادتب)
بئین الخالق علاقهلر اوزره صدری»
