GADTB Güney Azərbaycan Demokratik Türk Birliyi
GADTB: Bu gün “i24News” telekanalı xəbər verib ki, İsrail Müdafiə Qüvvələri Xəzər dənizində İran donanmasına zərbə endirib.
Hücum Gilan əyalətində yerləşən Ənzəli limanında həyata keçirilib. Bu liman 2022-ci ildən bəri Rusiya və İran tərəfindən dəniz daşımaları və silah qaçaqmalçılığı üçün istifadə olunur. Xəzər dənizinin qərb sektoru İran Hərbi Dəniz Qüvvələrinin əməliyyat bazasıdır.
Müharibənin başlanğıcından bəri bu, ilk dəfədir ki, İsrail Xəzər dənizində İran gəmilərinə hücum edib.
Hücum İsrael Katzın İranın kəşfiyyat naziri İsmayil Xətibin öldürülməsi ilə bağlı açıqlamasından sonra baş verib. Katz bildirib ki, “bu gün bütün arenalarda İrana qarşı apardığımız müharibənin səviyyəsini qaldıracaq əhəmiyyətli sürprizlər gözlənilir”.
