GADTB Güney Azərbaycan Demokratik Türk Birliyi
GADTB: ABŞ Yaxın Şərqdəki münaqişəyə son qoymaq üçün İrana 15 bəndlik sülh planı təqdim edib.
Bu barədə “The New York Times” ABŞ administrasiyasının rəsmilərinə istinadən məlumat verib.
“Times” qəzeti isə Pakistanın planın həyata keçirilməsində vasitəçi rolunu oynadığı haqda məlumat yayıb.
Məlumata görə, plan İranın raket və nüvə proqramlarını əhatə edir.
Eyni zamanda ABŞ İranda artıq hakimiyyət dəyişikliyinin baş verdiyini güman edir.
ABŞ Prezidenti Donald Tramp Ağ Evdə jurnalistlərin suallarını cavablandırarkən belə deyib.
“Əsasən, rejim dəyişikliyi baş verib. Rejim dəyişib, çünki indi liderlər bütün bu problemləri yaradanlardan tamamilə fərqlidirlər”, – deyə Tramp bildirib.
O əlavə edib ki, Vaşinqton yeni rəhbərliyin necə fəaliyyət göstərdiyini qiymətləndirməyə çalışır.
Qeyd edək ki, Tramp analoji fikri ötən gün CNBC-yə müsahibəsində də səsləndirmişdi.
