GADTB Güney Azərbaycan Demokratik Türk Birliyi
GADTB: İranın məhkəmə hakimiyyətinin rəhbəri “düşmən ünsürləri” adlandırdığı şəxslərə qarşı, o cümlədən edam və əmlakın müsadirəsi kimi cəzaların daha sürətlə tətbiq olunmasını tələb edib.
Məhkəmə hakimiyyətinin rəhbəri Qulam Hüseyn Möhseni-Ejei bildirib ki, qanunun verdiyi imkanlardan istifadə olunaraq “düşmənlə əlaqədə” ittiham edilən şəxslərə qarşı məhkəmə hökmləri daha sürətli şəkildə çıxarılmalı və icra edilməlidir.
O əlavə edib ki, qanunun icazə verdiyi hallarda edam və əmlakın müsadirəsi kimi ağır hökmlərin verilməsi sürətləndirilməli, bu hökmlərin nəticələri isə ictimaiyyətə açıqlanmalıdır.
Məhkəmə sisteminin rəhbəri müharibə şəraitinə işarə edərək, İran İslam Respublikasının düşmənləri ilə əlaqəli olduğu iddia edilən şəxslərə qarşı hökmlərin sayının artırılmasını da istəyib.
Bu arada, insan hüquqları təşkilatları dəfələrlə bəyan ediblər ki, İran hakimiyyəti uzun illərdir geniş ittihamlar əsasında və bir çox hallarda ədalətli məhkəmə prosesləri keçirilmədən insanları həbs edir, ağır hökmlər çıxarır və edamlar həyata keçirir.
