GADTB Güney Azərbaycan Demokratik Türk Birliyi
GADTB: Dominika hökuməti Əli Şəmxaninin oğlu Əbülfəzl Şəmxaninin vətəndaşlığını ləğv edib.
Qərar Şəmxaninin Dubayda təxminən 29 milyon dollar dəyərində lüks əmlak kompleksinə sahib olmaq üçün Karib ölkələrinə aid təxəllüslərdən istifadə etdiyi iddialarından sonra verilib.
Bildirilir ki, Əbülfəzl Şəmxani “qızıl pasport” əldə etmək üçün atasının İran hakimiyyəti ilə siyasi əlaqələrini gizlətməkdə ittiham olunur. Dominika rəsmiləri onun 2020-ci ildə vətəndaşlıq aldığı zaman məlumatları qəsdən gizlətdiyini qeyd ediblər.
Dominikanın əmək naziri Pinard açıqlamasında Əbülfəzl Şəmxaniyə “Sami Hayek” təxəllüsü ilə verilmiş vətəndaşlığın dərhal ləğv edildiyini bildirib. Nazirə görə, Şəmxani “həqiqəti gizlətməklə” vətəndaşlıq almağa nail olub.
Qeyd edək ki, Əbülfəzlin atası Əli Şəmxani uzun illər İran hakimiyyətində yüksək vəzifələrdə çalışıb və İranın ali rəhbərinin siyasi müşaviri kimi tanınıb.
