ادتاج اتحادیه دمکراتیک ترک آذربایجان جنوبی
گادتب: آوسترالییا آذربایجان آسوسیاسییاسینین پرئزیدئنتی و گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا گؤرونتولو زوم فورماتیندا «خاریجده یاشایان آذربایجانلیلار آراسیندا آنا دیلینین اؤنمی» موضوعسوندا کنفرانسا قاتیلیب.
سایین میکائیل بی کنفرانسدا چیخیش ائدیب. میکائیل بیین چیخیشینی اولدوغو کیمی تقدیم ائدیریک:
دیاسپوروموزدا میللی بیرلیگین محکملهنمهسینده آنا دیلینین نه کیمی رولو وار؟
آنا دیلی دیاسپوروموزون میللی کیملیگینین، مدنیتینین و معنوی ده یرلرینین اساس ستونلاریندان بیریدیر. خاریجده یاشایان آذربایجانلیلار اوچون دیل یالنیز اونسیت واسطهسی دئییل، هم ده وطنله باغ یارادان ان گوجلو کؤرپودور. آنا دیلیمیزی قوروماق میللی بیرلیگیمیزی محکملندیریر، گنج نسلین اؤز کؤکونه باغلی بؤیومهسینه کؤمک ائدیر و دیاسپور داخیلینده همرأیلیگی آرتیریر.
-آنا دیلینین قورونماسی و تبلیغی ایستیقامتینده هانسی لاییحهلرینیز اولوب؟
آوسترالییا آذربایجان آسوسیاسییاسی اولاراق موختلیف مدنی تدبیرلر، معاریفلندیریجی گؤروشلر و اجتماعی پروقراملار حیاتا کئچیرمیشیک. خصوصیله اوشاقلار و گنجلر آراسیندا آذربایجان دیلی و مدنیتینین تبلیغی اوچون تدبیرلر تشکیل ائتمیش، میللی بایراملاریمیزی و مدنی ارثیمیزی تانیدان پروقراملاردا آنا دیلیمیزین ایستیفادهسینه اؤنم وئرمیشیک. مقصدیمیز یئنی نسلین هم آذربایجان دیلینی، هم ده میللی کیملیینی قورویوب ساخلاماسیدیر.
-معاریفلندیریجی ماتئریاللارین گنج نسیلده آنا دیلینه ماراغین آرتیریلماسینا تأثیری نئجه اولا بیلر؟
معاصر و ماراقلی فورمادا حاضیرلانمیش معاریفلندیریجی ماتئریاللار گنجلرین آنا دیلینه باغلیلیغینی آرتیرماقدا چوخ اؤنملیدیر. کیتابلار، سوسیال مئدیا لاییحهلری، ویدئولار، اوشاق پروقراملاری و مدنی فعالیتلر دیلین اؤیرنیلمهسینی داها جلب ائدیجی ائدیر. گنجلر اؤز دیللرینی نه قدر آکتیو ایستیفاده ائتسهلر، میللی کیملیکلرینی ده بیر او قدر گوجلو حیس ائدرلر.
-آوسترالییاداکی سویداشلاریمیز آنا دیلینین قورونماسی مسئلهسینی نه درجهده دقتده ساخلاییرلار؟
آوسترالییادا یاشایان سویداشلاریمیزین بیر قیسمی آنا دیلینین قورونماسینا خصوصی دقت یئتیریرلر. عائلهلر اوشاقلارینین آذربایجان دیلینده دانیشماسینا چالیشیر، میللی تدبیرلرده ایشتیراک ائدیر و مدنیتیمیزی یاشاتماغا دستک وئریرلر. بونونلا یاناشی، خاریجی موحیطده بؤیوین اوشاقلاردا دیلین ضعیفلهمهسی ریسکی اولدوغو اوچون بو ایستیقامتده داواملی فعالیته احتیاج وار.
-خاریجدهکی یئنی نسیل آذربایجانلیلارین آنا دیلینی اونوتماسی نه درجهده تهلوکهلیدیر؟
آنا دیلینین اونودولماسی میللی کیملیین ضعیفلهمهسینه سبب اولا بیلر. دیلینی ایتیرهن نسیل زامانلا تاریخیندن، ادبیاتیندان، مدنیتیندن و میللی دیرلریندن اوزاق دوشه بیلر. بونا گؤره ده خاریجده یاشایان عائلهلرین و دیاسپور تشکیلاتلارینین اساس وظیفهلریندن بیری آنا دیلیمیزی گلهجک نسیللره یاشاتماقدیر.
-دیاسپور نمایندهلرینین آنا دیلینین یاشادیلماسی پروسئسینده رولو بارهده نه دئیه بیلرسینیز؟
دیاسپور نمایندهلرینین رولو بو ساحهده چوخ بؤیوکدور. هر بیر دیاسپور عضوو عائلهسینده، جمعیت ایچینده و اجتماعی فعالیتلرده آنا دیلیندن ایستیفاده ائتمکله اونون یاشاماسینا تحفه وئریر. خصوصیله دیاسپور تشکیلاتلاری میللی-مدنی تدبیرلر، تحصیل و معاریفلندیرمه لاییحهلری واسطهسیله آذربایجان دیلینین قورونماسینا و گلهجک نسیللره اؤتورولمهسینه خیدمت ائدیرلر.
علاوه ائتمهلییم کی، قوزئی آذربایجاندا باش وئرهن اینکیشافلار آرتیق بورا دا گلیب چاتیب. حؤرمتلی پرئزیدئنتیمیز جناب ایلهام علیئو آذربایجان تورکجهسینین صاف و تمیز شکیلده قورونماسینا، باشقا دیللرین تأثیرینه معروض قالماماسینا خصوصی دقت یئتیریر. لاکین تأسف کی، ۴۰ میلیونلوق گونئی آذربایجاندا فارس ایشغالی آلتیندا مباریزه آپاران فعاللاریمیز هله ده آذربایجان تورکجهسینده دانیشدیقلارینا گؤره تعقیب اولونورلار. بو بؤیوک آذربایجان میللتینین فعاللاری حبس ائدیلیر، زیندانلاردا ایشگهنجهلره معروض قالیر، اعتراض ائدنلرین بیر قیسمی ایسه اؤلدورولور.
