ادتاج اتحادیه دمکراتیک ترک آذربایجان جنوبی
گادتب: ۱۰ ایول تاریخینده آوسترالییانین سیدنئی شهرینده آوسترالییا آذربایجان آسوسیاسییاسینین رهبرلیگی ایله تورکیهدن گئدن قوناقلار — آک پارتییا باشقان معاوینی، خاریجی علاقهلر اوزره مسئول شخص، ایستانبول میللت وکیلی حؤرمتلی جناب ظفر سیراکایا و اوید باشقانی جناب کنان آسلانین ایشتیراکی ایله گؤروش کئچیریلدی.
گؤروش آوسترالییا آذربایجان آسوسیاسییاسی پرئزیدئنتی و گادتب بئین الخالق علاقهلر دئپارتامئنتینین صدری سایین میکاییل بی اویتا، گونئی آذربایجان دئموکراتیک تورک بیرلیگینین (گادتب) اینسان حاقلاری دئپارتامئنتینین صدری سایین سارا خانیم آذرسونون رسمی دعوتی اساسیندا تشکیل اولونوب.
گؤروش زامانی ده یرلی قوناقلارا «خوش گلمیسینیز» دئیهرک اونلاری سلاملاییبلار. صحبتلر زامانی آوسترالییادا یاشایان آذربایجانلیلارین وضعیتی، «بیر میللت، ایکی دؤولت» آنلاییشی چرچیوهسینده آذربایجان-تورکیه قارداشلیغی، ائله جه ده ایران آدلانان اؤلکهده جنوبی آذربایجاندا یاشایان ۴۰ میلیوندان چوخ تورک خالقینین قارشیلاشدیغی چتینلیکلر بارهده فیکیر موبادیلهسی آپاریلدی.
خصوصیله قئید اولوندو کی، آنا دیلی، میللی کیملیک و اینسان حاقلاری اوغروندا موباریزه آپاران سویداشلاریمیزین وضعیتی دقتدن کناردا قالمامالیدیر. گونئی آذربایجاندا میللی حقوقلاری اوغروندا موباریزه آپاران اینسانلارین آغیر شرایطلرده، حبسخانالاردا و تضییقلر آلتیندا یاشادیغی وورغولاندی.
گؤروش قارشیلیقلی حؤرمت، صمیمی صحبت و گلهجک امکداشلیق آرزولاری ایله باشا چاتدی.
