GADTB Güney Azərbaycan Demokratik Türk Birliyi
GADTB: Təbrizin Mərkəzi Həbsxanasında saxlanılan Səməd Heydəri, Rza Səlimi və Əmin Təqizadə adlı üç azərbaycanlı fəal dezintoksikasiya bölməsindən məhbusların saxlanıldığı 15-ci bölməyə köçürülüb.
Məlumata görə, bu köçürülmə səbəbi ilə bağlı hər hansı aydın və şəffaf izahat verilmədən həyata keçirilib. Bu isə üç fəalın saxlanma şəraiti və hüquqi vəziyyəti ilə bağlı narahatlıqları artırıb.
Səməd Heydəri, Rza Səlimi və Əmin Təqizadə daha əvvəl də milli kimlik yönümlü fəaliyyətlərinə görə müxtəlif məhkəmə işləri və həbs cəzaları ilə üzləşiblər.
Onların vəziyyətinin davam etməsi və köçürülmənin səbəbləri barədə şəffaf məlumat verilməməsi ailələrinin və Azərbaycan ictimaiyyətinin narahatlığını daha da artırır.
