ادتاج اتحادیه دمکراتیک ترک آذربایجان جنوبی
گادتب: بو گون ۳۰ آوگوست – تورکیهنین وطن محاربهسینده ایشغالچیلارا قارشی قازاندیغی محتشم ظفر بایرامی موناسیبتیله آوسترالییانین سیدنئی شهرینده رسمی تدبیر کئچیریلیب. تدبیر تورکیش اؤز تشکیلاتنین تشکیلاتچیلیغی ایله باش توتوب.
تدبیره آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا و گونئی آذربایجان دئموکراتیک تورک بیرلیگینین (گادتب) اینسان حاقلاری دئپارتامئنتینین صدری حؤرمتلی سارا خانیم آذرسون دا رسمی دعوتله قاتیلمیشدیر.
تدبیرده تورکیهنین سیدنئی شهریندهکی باش کونسولو بیلگین آیگونش، دیپلوماتلار، آوسترالییانین رسمی دؤولت نمایندهلری، اوردو پولکوونیکی دئنیس مورئ، ائلهجه ده ۱۶ موختلیف میللتین درنک رهبرلری و نمایندهلری ایشتیراک ائدیبلر.
پروقرام چرچیوهسینده سایین میکائیل بی اویتا مصطفی کمال آتاتورکون هیکلینه اکلیل قویوب و اونون خاطرهسینی احتیراملا یاد ائدیب.
سایین میکاییل بی اویتا تدبیرده ۳۰ آوگوست –تورکیهنین ظفر بایرامی موناسیبتیله چیخیش ائدیب.
تدبیرده چیخیش ائدن میکائیل بی اینگیلیس دیلینده ائتدیگی چیخیشیندا ۳۰ آوقوست ۱۹۲۲-جی ایلده هلاک اولان بوتون شهیدلرین ائهتیراملا یاد ائدیلدیگینی بیلدیریب.
چیخیشدا ۳۰ آوگوست ظفر بایرامینین یالنیز تورکیهنین دئییل، بوتون تورک دونیاسینین و تورک خالقلارینین بایرامی و غلبهسی اولدوغو وورغولانیب. همچینین آذربایجان خالقینا خصوصی احتیرام ایفاده ائدیلهرک، بایرامین دونیادا یاشایان آذربایجانلیلار اوچون ده قورور و ظفر گونو اولدوغو قئید ائدیلیب.
سایین میکاییل بی اویتانین اینگیلیسجه چیخیشی:
https://t.me/GADTB1/58246?single
