ادتاج اتحادیه دمکراتیک ترک آذربایجان جنوبی
گادتب: آزربایجان گنج موعلیملر درنهگینین (بیرلیگینین) تشکیلاتچیلیغی ایله حیاتا کئچیریلن «آنا دیلی – آزربایجان مکتبی» لاییحهسینه قئیدیات باشلاییب.
لاییحهنین مقصدی، خاریجده یاشایان سویداشلاریمیزین اؤولادلارینین آزربایجان تورکجه سینی اؤیرنمهسینه، میللی کیملیگینی داها یاخیندان تانیماسینا و آزربایجانلا باغلارینی قوروماسینا دستک اولماقدیر.
لاییحه چرچیوهسینده:
آنلاین درسلر ۲۵ سئنتیابر ۲۰۲۶-جی ایلدن باشلایاجاق؛
درسلر هفتهده ۲ دفعه کئچیریلهجک؛
تدریس تجروبهلی موعلیملر طرفیندن قارشیلیقلی (اینتئراکتیو) فورمادا آپاریلاجاق؛
پروقرام باشلانغیج، اورتا و یوکسک اولماقلا ۳ سویه اوزره تشکیل ائدیلهجک.
یاش قروپلاری:
▫️ ۶–۱۰ یاش
▫️ ۱۱–۱۳ یاش
▫️ ۱۴–۱۸ یاش
ایشتیراکچیلار یاش قروپلارینا، دیل بیلیکلرینه و ساعات بؤلگهلرینه اویغون قروپلارا بؤلونهجکلر. قروپلارین موعینلشدیریلمهسی اوچون اولجهدن قیسا دیل سیناغی کئچیریلهجک.
پروقرامی اوغورلا باشا ووران ایشتیراکچیلارا، آزربایجان دیلینی بیلمه سویهسینه اویغون سئرتیفیکات (گواهینامه) تقدیم اولوناجاق.
قئیدیات (آد یازدیرما): https://forms.gle/o6MYvWZJjc9ywj7g9
آنا دیلیمیزی یاشاتماق، میللی کیملیگیمیزی قوروماق، گلهجهییمیزه صاحیب چیخماقدیر!
