GADTB Güney Azərbaycan Demokratik Türk Birliyi
GADTB: Beynəlxalq Atom Enerjisi Agentliyinin (BAEA) baş direktoru Rafael Qrossi bildirib ki, agentlik bir ildən artıqdır İranın bəyan etdiyi uran ehtiyatlarının, o cümlədən 60 faizə qədər zənginləşdirilmiş uranın, hücumlar nəticəsində zərər görmüş İranın nüvə obyektlərindəki vəziyyətini davamlı şəkildə yoxlaya bilmir.
Qrossi sentyabrın 14-də, bazar ertəsi, BAEA-nın 70-ci Baş Konfransında çıxışı zamanı bildirib ki, bu nüvə materialları barədə məlumatların olmaması və onların yoxlanılması üçün obyektlərə giriş imkanının məhdudlaşdırılması “nüvə silahlarının yayılması ilə bağlı ciddi narahatlıq” doğurur və bu məsələ “ən yüksək təciliyyətlə” həll edilməlidir.
Qrossi həmçinin bildirib ki, 1405-ci ildə İran İslam Respublikasının nüvə proqramına BAEA-nın nəzarət imkanları daha da pisləşib. Onun sözlərinə görə, agentlik 1404-cü ilin Esfənd ayında baş verən hücumlardan sonra müfəttişlərini İrandan çıxarmağa məcbur olub.
Onun sözlərinə görə, BAEA altı aydan artıqdır ki, Buşehr Atom Elektrik Stansiyasında keçirilmiş bir yoxlama istisna olmaqla, İranda heç bir yerində yoxlama həyata keçirməyib.
BAEA-nın baş direktoru İran İslam Respublikasının nüvə proqramı ilə bağlı diplomatiyaya və danışıqlara qayıdaraq problemin həlli yollarının tapılmasını zəruri hesab edib. O bildirib ki, bu proqramın hazırkı vəziyyəti qlobal nüvə silahlarının yayılmasının qarşısının alınması rejimi üçün ciddi nəticələr doğurur.
