GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Babək Qalası Qurultayı ərəfəsində Tehranda həbs edilən azərbaycanlı milli-mədəni fəal İbrahim Nuri hələ də qeyri-müəyyən vəziyyətdə həbsdə saxlanılır.
Məlumata görə, azərbaycanlı fəal Tehranın Evin zindanının 209-cu bölməsində qeyri-müəyyən vəziyyətdə saxlanılmaqdadır. Onun vəziyyəti barədə heç bir məlumatın verilməməsi fəalın ailəsi və milli-mədəni fəallar arasında narahatlığa səbəb olub.
İbrahim Nurinin həbsindən bir ay yarım vaxt keçməsinə baxmayaraq, onun nədə günahlandırıldığı barədə belə məlumat verilmir.
Bu yaxınlarda isə Beynəlxalq Əfv Təşkilatı azərbaycanlı fəallara edilən təzyiqlərlə bağlı geniş bir bəyanat yayıb. Bəyanatda irqçi fars rejimi tərəfindən azərbaycanlı mədəni fəalların qanunsuz saxlanılması pislənilərək, İbrahim Nurinin qeyd-şərtsiz sərbəst buraxılması tələb olunub.
Azərbaycanlı milli-mədəni fəal qeyri-müəyyən şəraitdə saxlanıldığı günlərdə avqust ayının 17-də fəalın qardaşı mərhum Həbib Nurinin vəfatının birinci ildönümü mərasimi keçirilib. Rejim həbsxanada saxlanılan Nuriyə qardaşının yas mərasimində iştirak etməyə belə icazə verməyib.
