یکشنبه , نوامبر 22 2026
azfa

گونئي آذربايجان دئموکراتيک تورک بيرليگي (گادتب) باشقاني سایین اژدر تاغيزاده نين تورکيه نین ظفر بايرامي موناسيبتيله تبريک مئساژي

گادتب: بو گون تورکون اومود يئري بؤيوک تورکيه‌ميزده 30 آوگوست 1922-جي ايلده دوملوپيناردا بؤيوک مصطفی کمال آتاتورکون باش کوماندانليغيندا قازانيلان بؤيوک غلبه‌نين شرفينه ظفر بايرامي آدلانمیشدیر. بو بايرام تورکيه تاريخينه بيرينجي دونيا موحاريبه سيندن مغلوب چيخان عثمانلي دؤولتينين ايشغالچي اؤلکه‌لر و تورک دوشمنلري آراسيندا پايلاشديريلماسي پلانلارينين قارشيسينين آلينماسيندا چوخ اؤنملي رول اويناميشدير. بؤيوک مصطفی کمال آتاتورکون باشچيليق ائتديگي تورک ميللتي بوگونکو تورکيه جمهوريتيني ديرچلتمک اوچون بؤيوک موجاديله و قوربانلار وئرميشدير.

ايشغالچي اوردولارين تورکيه سرحدلريندن چيخاريلماسي بير قدر سونرا باش وئرسه ده، 30 آوگوست سبموليک اولاراق تورکیه تورپاقلارينين گئري آلينديغي گونو تمثيل ائدير. بو ظفر اصلينده تکجه تورکيه‌نين دگیل، گونئي آذربايجانين، ائله جه ده تورک دونياسينين ظفريدیر

تورکيه جمهوريتي دؤولتي بيزيم استراتژي و ابدي قارداشيميزي، دوستوموزدور. بو جمهوريت ان گوجلو تورک دؤولتي اولاراق بو گون بيزيم باغيمسيزليق موجاديله‌ميزده اساس گوونج و داياق يئريميزدير. تورک ميلتينين غلبه‌سي گونئي آذربايجان و بوتون تورک دونياسينين غلبه‌سيدير.

گونئي آذربايجان دئموکراتيک تورک بيرليگي (گادتب)، ائله جه ده شخصاً اؤز آديمدان بو بايرام موناسيبتيله بؤيوک تورک دؤولتینی، تورک ميللتينی و تورک دونياسيني تبريک ائديرم. تورک ميللتينين بئله بؤيوک ظفرلرينين گونئي آذربايجاندا دا ساغلاناجاغي اوميديله.

اژدر تاغيزاده

گونئي آذربايجان دئموکراتيک تورک بيرليگي (گادتب) باشقاني

دوباره امتحان کنید

تداوم بازداشت و بلاتکلیفی نعمت افشار جوان آذربایجانی در زندان چوبیندر قزوین

گادتب: نعمت افشار، جوان آذربایجانی ساکن قزوین، ۲۶ روز است که توسط نیروهای امنیتی رژیم …

آغاز خاموشی دوساعته برق تهران تحت عنوان «مدیریت انرژی»

گادتب: شرکت توزیع نیروی برق تهران بزرگ در پیامکی به شماری از مشترکان، زمان قطع …

دیدگاهتان را بنویسید