ادتاج اتحادیه دمکراتیک ترک آذربایجان جنوبی
گادتب: عيرقچي و ايشغالچي فارس رئژيم آذربايجان تورک ميللتي و ديگر غئيري-فارس ميلتلرله ياناشي جمعيتين بوتون صينيفلرينه ظلم ائدير. ايرتيجاعچي فارس-موللا رئژيمينين عيرقچي و موستملکهچي سياستي ايله ياناشي دونيا سوييهسينده داغيديجي سياستي جمعيتين بوتون صينيفلريني دؤزولمز ايقتيصادي چتينليکلرله اوز-اوزه قويموشدور. حاقلي اولاراق رئژيمين داياقلارينين لاخلاماغا دوغرو گئتديگي بير واختدا گونئي آذربايجانين يوک ماشيني سوروجولري ايله ياناشي باشقا بؤلگهلرين سوروجولري ده تعطيللره و اعتيراضا باشلاييب.
بو اعتيراضلاردا بهانه سوسيال پروبلئملر، باهاليق، احتياط حيصه لرينين باهالاشماسي و امک حاقّينين آشاغي اولماسي قئيد ائديلسه ده، اصلينده جمعيتده آپاريجي قووه اولان يوک ماشيني سوروجولرينين اعتيراض و تعطيللري فارس-موللا رئژيميني داها دا ضعيفلتمکده بؤيوک اهميت داشييير. صيرف بو اهميته گؤره ايرتيجاعچي رئژيم چوخ سايلي سوروجونو ياخالاميش، اونلاري آغير جزالار و اعداملا هده لهيير.
گونئي آذربايجان دموکراتيک تورک بيرليگي (گادتب) گونئي آذربايجانين يوک ماشيني سوروجولري باشدا اولماقلا ديگر بؤلگهلرين يوک ماشيني سوروجولريني بو حاقلي اعتيراضلارا داوام ائتمهيه چاغيريب و اينانير کي، بئله اعتيراضلار عيرقچي و ايرتيجاعچي فارس-موللا رئژيمينين لاخلاميش داياقلاريني داها دا لاخلاداجاق. بو اعتيراض و تعطيللرين داوام ائتديريلمهسي مختليف خالقلارين رئژيمين بوخوووندان قورتارماسيني داها تئزلشديرهجک.
گادتب گونئي آذربايجانين يوک ماشيني سوروجولري باشدا اولماقلا ديگر بؤلگهلرين يوک ماشيني سوروجولرينين اعتيراض و تعطيللريني يوکسک قييمتلنديرير و بو اعتيراض و تعطيللري دستکلهيير. فارس-موللا رئژيمين بو حاقلي اعتيراضلارا باسقيسي و سوروجولرين حبسي، ائله جه ده هده لنمهسيني ده کسکين شکيلده پيسلهيير. عئيني زاماندا بو اعتيراضلارين داها ائفّئکتيو اولماسي اوچون بازار، مهم صنايع سئکتورو و سایر ساحه لرين ايشچيلرينين ده بو تعطيل و اعتيراضلارا قوشولاسيني ضروري حساب ائدير.
گونئي آذربايجان دموکراتيک تورک بيرليگي (گادتب)
