ادتاج اتحادیه دمکراتیک ترک آذربایجان جنوبی
گادتب: دونن نهايت کي، 40 ايل سونرا آبش ايران آدلانان اؤلکه ايله باغلي “استراتژي يول خريطه‌سي”ني قبول ائديب و ايشغالچي فارس رئژيمينين ايسلام اينقيلابي کئشيکچيلري موحافيظه کورپوسو (سپاه) و خوصوصيله اونون خاريجي قولو اولان قدس قاناديني تئررورچو تشکيلات کيمي تانيدي. اصلينده بئله‌ليکله ايشغالچي فارس رئژيمين اصيل ماهيتي يعني دونيادا تئررورون حيمايه‌چيسي و مرکزي اولماسي اوزه چيخيب. سؤزسوز کي، بو “استارتژي يول خريطه‌سي” ايران آدلانان اؤلکه‌يه قارشي داها گئنيش و جيدي آدديم آتماغا اساس حساب ائديلير.
معلومدور کي، ايسلام رئژيمي حاکيميته گلن کيمي، تهراندا آمریکانين بير حيصه سي اولان سفيرليگيني ايشغال ائديب، 444 گون اونون ديپلوماتلاريني اسارتده ساخلاياندان سونرا اونلاردان باج آليب گيروولاري بوراخديلار.
عئيني زاماندا تهران رئژيمي سعودييه عربيستانيندا، ليواندا و اؤزلليکله عراقدا اونلارلا تئررور عملياتي تؤرتمکله چوخ سايلي آمریکا عسگريني تئررور ائديب اؤلدوردو. همچنين تهران رئژيمينين 11 سئنتيابردا نيويورکدا ائکيز قلّه‌لرين پارتلاديلماسيندا الينين اولماسي فاکتلارلا ثوبوت ائديليب. تهران رئژيمي صداملا خميني آراسيندا موحاريبه ده ده لاکئربيده آمریکانين طياره سينين پارتلاديلماسينين دا خمينينين گؤستريشي اساسيندا پارتلاديلديغي اوزه چيخيب.
ايشغالچي فارس رئژيم عيني زاماندا اونلارين اليندن اؤز وطنلريني ترک ائديب آوروپا اؤلکه‌لرينه سيغينان رئژيمين اسارته آلديغي موختليف ميلتلردن اونلارلا تانينميش فعالي تئررور ائديبلر. بو زمينده رئژيمين عاميللري ده آلمانيادا محکمه‌ده محکوم ائديلدي.
ايندي آرتيق آمریکا ایله ياناشي آوروپا بيرليگي، خوصوصيله فرانسا و آلمانييا باشا دوشورلر کي، دونيادا تئررورون مرکزي بانکاسي تهران رئژيمي اولوب. بير نئچه گوندور آرتيق آمریکانین اساس دؤولت آداملاري دا بونا اعتيراف ائديرلر. ايندي آرتيق باشا دوشوبلر کي، 40 ايلدير بو تئرروريست، ظاليم و موستملکه‌چي رئژيم اسارتده ساخلاديغي مختليف ميللتلره قان اوددوراراق، داعشدن ده قات-قات آرتيق اينسانلاري تئررورا، قتله، ايشگنجه‌يه و ظلمه معروض قويوب.
ايندي آمریکا و آوروپا دونيادا تئررورون مرکزي بانکاسي و بئيني اولا تهران رئژيميني تانيييبلار. مؤوجود وضعيتين تحليلي اونو گؤسترير کي، اولا بيلسين بو دفعه تئرروريزمي اؤز مرکزينده بوغوب، بو رئژيمدن دسته یيني چکه‌جکلر. آرتيق رئژيمه دونيادا يئر وئريلميه‌جگي و رئژیمین سونو اولاجاغی دوشونولور.
اژدر تاغيزاده
گونئي آذربايجان دموکراتيک تورک بيرليگي (گادتب) باشقاني
