ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، 2018-جی ایل دئکابر آیینین 12-ده قوزئی آذربایجاندا مساوات پارتیاسینین قرارگاهیندا 21 آذر حرکاتی و گونئی آذربایجاندا آذربایجان میللی حکومتی‌نین یارانماسینین ایلدؤنومو مناسیبتیله تدبیر کئچیریلیب.
تدبیر گونئی آذربایجان دموکراتیک تورک بیرلیگی (گادتب) و گونئی آذربایجان ایستیقلال‌چی‌لار بیرلیگی (گایب) باشقانی سایین اژدر بَی تاغی‌زاده‌نین تکلیفی ایله تشکیل ائدیلیب.
تدبیری آچان مساوات باشقانی عریف حاجیلی ایلک سؤزو گادتب و گایب باشقانی سایین اژدر بَی تاغی‌زاده‌یه وئریب.
سایین اژدر تاغی‌زاده گونئی آذربایجاندا و ایران آدلانان اراضیده رئال وضعیتی آچیقلایا‌راق، قوزئی آذربایجاندا گونئیده گئدن موستقیل‌لیک اوغروندا مباریزه نی دوزگون ده یرلندیریب، دستک اولمانین ضروری‌لیگینی قئید ائدیب. سایین اژدر بَیین چیخیشینین ویدئوسونو تقدیم ائدیریک:
