ادتاج اتحادیه دمکراتیک ترک آذربایجان جنوبی
گادتب-نين مطبوعات مرکزينه داخيل اولان معلوماتا گؤره، گونئي آذربايجان دئموکراتيک تورک بيرليگي (گادتب) رهبرليگينين تورکيه سفری داوام ائتمکده‌دير.
تورکيه سفرينده گادتب باشقانينين بيرينجي معاويني سايين ائلدار قاراداغلي، گادتب بين الخالق دئپارتامئنتينين صدري سايين ميکاييل اويتا، گادتب ماليه، ائله جه ده قادين مسئله‌لري اوزره دئپارتامئنتين صدري سايين سيما خانيم و گادتب تورک دونياسي دئپارتامئنتينين صدري سايين آتیلا بوزقورد ايشتيراک ائديرلر.
گادتب رهبرليگي مصطفی کامال آتاتورکون آنيت کابيري، و رسولزادنين مزاريني زيارت ائتمکله تورکيه‌ده بير نئچه گؤروش کئچيرميشلر. گادتب رهبرليگينين گؤروشلريندن بيري تورکيه بؤيوک ميلت مجليسينين ميلت وکيلي سايين شاميل آيريملا باش توتوب. سايين ميلت وکيلي ايله بير نئچه مؤضوعدا مذاکيره‌لر آپاريليب.
گادتب رهبرليگينين ديگر گؤروشلريندن بيري ده تورکيه‌ده ميللي دوشونجه مرکزينين کورولوش اويه‌لري ايله باش توتوب. گؤروشده گونئي آذربايجانين بو گونو و گله‌جگي باره‌ده مسئله‌لر مذاکيره ائديليب.
گادتب رهبرليگينين گؤروشلريندن بيري ده قاضي اونيوئرسيتئتينين پروفئسورو و فاکولته دئکاني سايين پروفسور دکتر سئلما يئلله باش توتوب.
همچنين گادتب رهبرليگينین گؤروشلريندن بيري ده آنکارادا آذربايجان درنه یينده و درنه یين باشقاني جميل بَيين اوفيسينده باش توتوب. گؤروشلر ويدئو و شکيللري تقديم ائديريک:
