گادتب باشقاني اژدر تاغيزاده نين آن.ت-نين (آزنیوز تی وی) فعاليته باشلاماسي موناسيبتيله تبريک مئساژي

گادتب-نين مطبوعات مرکزينه داخيل اولان معلوماتا گؤره، گونئي آذربايجان دئموکراتيک تورک بيرليگي (گادتب) باشقاني سايين اژدر تاغيزاده يئني آن.ت-نين (آزنیوز تی وی) آچيلماسي موناسيبتيله کانالين قوروجوسو گونئي آذربايجاندان اولان اينسان حاقلاري مدافيعه چيسي و تانینمیش ميللي فعال صالح بَي کامراني يه تبريک مئساژي گؤندريب.

سايين اژدر بَيين تبريک مئساژينين بير حيصه سينده دئييلير:

گونئي آذربايجانين و داوام ائدن آذربايجان ميللي حرکاتينين اينفورماسيا بلوکاداسيندا اولدوغو بير شراييطده آن.ت-نين (آزنیوز تی وی) ايشه باشلاماسي چوخ مهم بير حاديثه دير. بو کانالين عيرقچي فارس رئژيمين گونئي آذربايجان اطرافيندا ياراتديغي اينفورماسييا بلوکاداسيني قيريب، آذربايجان حقيقتلريني آذربايجان تورک ميللتينه و دونيايا چاتديريلماسيندا بؤيوک اوغور قازاناجاغينا اينانيريق.

گونئي آذربايجان دئموکراتيک تورک بيرليگي (گادتب) آن.ت-نين( آزنیوز تی وی) اؤز ميسياسيني موفقيتله حياتا کئچيرمکده هر نوع امکداشليغا حاضيردير. بو مقدس يولدا آن.ت-يه  (آزنیوز تی وی) و اونون قوروجوسو سايين صالح بَيه اوغورلار آرزولاييريق.

اژدر تاغيزاده

گونئي آذربايجان دئموکراتيک تورک بيرليگي (گادتب) باشقاني

قئيد ائدک کي، اييونون 1-دن اعتيباراً دونيا آذربايجانليلارينين يئني آن.ت (آزنیوز تی وی) اؤزه ل مئديا قورومو فعاليته باشلاييب.

گوندم حاديثه لري يايماغي هدفله‌ين تئلئويزييا کانالي پئيک، وئب-سايت و سوسيال شبکه‌لر واسيطه‌سيله ايزله یيجيلره دونيادا باش وئرن ان سون خبرلري و معلوماتلاري تقديم ائده‌جک. کانالين وئريليشلري ايسوئچين استوکهولم شهريندن ياييملانسا دا، پروقراملاري دونيانين مختليف اؤلکه‌لرينده ياشايان موخبير و ژورناليستلر حاضيرلايير.

آن.ت-نين تئلئويزييا پروقراملاري “ياهسات”پئيکيندن 11900 اوفوقي 27500 سيمبولوندا و http://www. aznews.tv  سايتيندا ياييملاناجاق.

کانالين قوروجوسو گونئي آذربايجاندان اولان اينسان حاقلاري مدافيعه چيسي و ميللي فعال صالح کامرانيدير.

Satellite:Al Yah 1@52.5 East

Frequenty:11900MHz

Polarity:Horizontal

Symbol rate:27500

FEC:7/8