ادتاج اتحادیه دمکراتیک ترک آذربایجان جنوبی
گادتب-نين مطبوعات مرکزينه داخيل اولان معلوماتا گؤره، بو گون 10 نويابر 2019-جو ايل قاضي مصطفی کمال آتاتورکون 81-جي آنيم تؤره‌ني مناسيبتيله آوسترالييانين سيدنئي شهرينين آوبورن بؤلگه‌سينده آنيم مراسيمي کئچيريلدي.
تؤرنه تورکيه جمهوريتينين باش کونسولو، قوزئي قيبريسين فخري کونسولو، یئنی جنوبی اوئلزعاالتينين ANZAC آوبورن بؤلگه‌سينين رسميلري و آتاتورک کولتور درنگي، ائله جه ده گونئي آذربايجان دئموکراتيک تورک بيرليگينين (گادتب) ماليه دئپارتامئنتينين صدري سايين سيما خانيم و گادتب بين الخالق علاقه لر دئپارتامئنتينين صدري، آوسترالييا آذربايجان آسوساسياسينين (ااا) پرئزيدئنتي سايين ميکاييل اويتا بو مراسيمه دعوت اولونموش و مراسيمده ايشتيراک ائتميشلر.
مراسيمده قاضي مصطفی کمال آتاتورکون بؤيوک تورکيه اوغروندا وئرديگي امک، ائله جه ده اونون باريش و صولح سئون اينسان اولدوغونو، مودئرن و لائیک تورکيه قوردوغو قئيد ائديلدي. همچنين بيلديريلدي کي، بؤيوک آتاتورک تک تورکيه‌نين ليدئري دئييل، 300 ميليونلوق تورک دونياسينين ليدئريدير.
