ادتاج اتحادیه دمکراتیک ترک آذربایجان جنوبی
گادتب: 31 دئسامبر آذربایجانلیلارین بیرلیک و همرای لیک گونودور. 1989- نجو ایلین دئسامبر آیی نین 31 ـ ی (10 چیلله ـ دئی ) آذربایجانیمیزین کئچه ن 200 ایللیک تاریخینده ان موهوم و رمزی گونلرینده ن بیری ساییلیر. بو 200 ایل یادلارین مستعمره چیلیک و میللتیمیزی بیرـ بیرینه یادلاشدیرما سیاستلری نین قارشی سیندا جانلی بیر اعتیراض نوماییشی ایدی. میللتیمیزین حسرت، ایستک و ایده آللاریندان دوعان بیر حرکت ایدی.
اوکتیابر آیی نین 3ـ ـده آلمان آراسیندا چکیلمیش بئرلین دیواری نین ییخیلماسی کیمی، آذربایجانیمیزدا دا 3 آی سونرا، آراز بویو یارادیلان سرحد بویو چکیلن سرحد مانعه لری نین سرحد بویونجا میللتیمیزین ایراده سی ایله ییخیلماسینین نین شاهیدی اولدوق . میللتیمیز اؤز الی ایله سرحد مانعه لرینی سوکوب ، میللتیمیزین اوره یه اوستونه تیکیلن سرحد دیره کلرینی اودا لاییب، تیکانلی مفتیللری قالدیریب ،قارداش ـ باجیلیق هرایلارینی آرازین هر ایکی تاییندا سسلندیردیلر. چیلله آیی نین سویوق گونلرینده اؤزلرینی آراز سولارینا ووروب ، اوزه رک بیرـ بیرلری ایله قوجاقلاشدیلار. بو میللتیمیزین اوره یینده کوک سالمیش آیریلیق حسرتلری نین گوسترگه سی ایدی. بو آذربایجان میللتی نین تاریخینده بوبوک رمزی اهمییته مالیکدیر. بو صحنه لری آلمان نین تانینمیش ژورنالیستی پئتئر شورلاتور
رنگیلی فوتولار شکلینده سندلشدیرمیشدیر.
چوخ کئچمه دن دئسامبر آیی نین 16- سیندا ناخجیوان عالی مجلیسی بوگون « آذربایجانلیلارین بیرلیک و همرای لیک » گونو اولاراق قبول ائدیب ، آذربایجان پارلئمئنتوسونا بو حاقدا بیر تکیف له موراجیعت ائتمیشدیر. نهایت آذربایجان پارلئمئنتوسونون میللی شوراسی، ناخجیوان مجلیسی نین میللی شوراسی ایله بیرگه بو تکلیفی بیر « قانون تاسلاغی ـ لاییحه» سی کیمی آذربایجان پارلئمئنتوسونا گتیرمیشدیر. و دئسامبر آیی نین 25 -ده آذربایجان پارلئمئنتوسو بو حاقدا قرار قبول ائتمیشدیر بو قرار آذربایجانیمیزین کئچه ن ایکی یوز ایللیک تاریخینده ان موهوم قرار و تکلیف لردن ساییلیر.
میللتیمیزین و وطنیمین دوشمنلری نین بیر ـ بیرینه یادلاشدیرما چابالاینا باخمییاراق میللتیمیز بو تاریخی حرکتی ایله بو میللتین بو وطنین بیر پارچا اولدوغونو عملده نوماییشه قویموشدور.
خاطیرلاتماق لازیمدیرکی، آلماندا بئرلین دوواری چکیلدیکده ، شرقی بئرلین اهالیسی نین اعتیراضلاری روس تانکلاری آلتیندا یوخ ائدیلدی. بو تاریخ غربی آلماندا « آلمانلیلارین بیرلیک گونو» کیمی قئید ائدیلیردی.
31 دئسامبردا بئله بیر تاریخی اهمییته مالیکدیر. بو گله جکده یادلارین الی ایله پارچالانمیش وطنیمیزین بیرلشدیریلمه سی یولوندا آتیلان تاریخی بیر آددیم دیر. یئری گلمیشکن بونودا قئید ائتمه میز لازیمدیرکی، بوگون یالنیز قاراباغ ، ایروان خانلیغی ، دربند و پورچالی یادلارین ایشغلیندا دئییلیدیر. بلکه آذربایجامینیزین ان بویوک حیصه سی اولان گونئی آذربایجانیمیز ایرقچی فارس و تئروریستلرین مستعمره سی آلتیندا یاشاماقدادیر. آنجاق و آنجاق بو مسنعمره یه سون قویولدوقدا ایشغال اولونموش باشقا تاریخی اراضیلریمیزی آزاد ائتمک مومکوندور.
31 دئسامبری طنطنه لی شکیلده قئید ائتمک، اونون میللتیمیز اوچون اولان اهمیتی اوستونده دورماق هر بیر آذربایجان وطنداشی نین وظیفه سیدیر. بیز ایستیقلالچیلار آدیندان بو گونو بوتوو آذربایجان میللتینه هارادا یاشاماسیندان آسیلی اولمیاراق تبریک دئییریک
عشق اولسون 31 دئسامبری یارادان اینسانلارا !
وار اولسون واحید مستقیل ۀذربایجان جیمهورییتی !
اژدر تاغی زاده
گونئی آذربایجان ایستیقلالچیلار بیرلیگی (گایب) باشقانی
