ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، بو گون یانوار آیینین 20-ده آوسترالیانین سیدنئی شهرینده آوسترالیا آذربایجان آسوسیاسی و گونئی آذربایجان دئموکراتیک تورک بیرلیگی (گادتب) 20 یانوار فاجعه‌سی‌نین 30-جو ایلدؤنومو موناسیبتیله آنیم تدبیری کئچیردیلر.
تدبیرده آوسترالیا آذربایجان آسوسیاسی پرئزیدئنتی و گونئی آذربایجان دئموکراتیک تورک بیرلیگی (گادتب) بین الخالق علاقه‌لر دپارتامنتی‌نین صدری سایین میکائیل اویتا، گونئی آذربایجان دئموکراتیک تورک بیرلیگی (گادتب) مالیه دپارتامنتی‌نین صدری سایین سیما خانیم و آوسترالیا آذربایجان آسوسیاسینین عضوو سایین ناظیم صالاحوو چیخیش ائدیب‌لر.
تدبیرده 20 یانوار فاجعه‌سی زامانی وطنیمیزین آزادلیق و ایستیقلالی اوغروندا جانلاریندان کئچن قهرمان شهیدلریمیز سایقی و احتیراملا یاد ائدیلدی. همچنین 20 یانوار شهیدلرینین صرف آذربایجان رئسپوبلیکاسینین مستقیل‌لیگی و آزادلیغی اوغروندا جان‌لارینی فدا ائتمه‌لری و 20 یانوارین عمومی حزن گونو اولماقلا یاناشی آذربایجان تاریخی‌نین قهرمانلیق صحیفه‌سی اولدوغونا تأکید ائدیلدی.
