GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyənin Liviyada qanuni hökuməti dəstəkləməsi qarşısında Rusiya, Bəşar Əsəd, İran, Misir, Səudiyyə Ərəbistanı, Fransa, Ərəb Əmirliyi birlikdə fitnəkarlığa davam edir. Qatil Haftarın (Liviya Milli ordusunun rəhbəri) son “istifadə tarixi”nin bitdiyini görtən bu dövlətlər Qəzzafinin oğlunu ortaya atmağa çalışırlar.
Türkiyəli təhlükəsizlik eksperti Coşqun Başbuğ bu barədə deyib: “Bu məxluqdan ümidini kəsən Rusiya və terror pərəstişkarları çox yaxında hamının müzakirə edəcəyi şəxslə əlaqədədir. O şəxs Qəzzafinin oğlu, Seyfülislam Qəzzafidir”.
Bəzi mənbələr isə iddia edir ki, gələcəkdə ölkənin rəhbəri məhz Liviyanın qəddarcasına öldürülən liderinin oğlu olacaq.
Qeyd edək ki, bir müddət əvvəl “Blumberq” agentliyi də eyni iddia ilə çıxış etmiş, hətta belə bir təkliflə “Vaqner” xüsusi təhlükəsizlik xidmətinin rəhbəri, “Putinin aşpazı” kimi tanınan Yevgeni Priqojinin çıxış etdiyini yazmışdı.
