ادتاج اتحادیه دمکراتیک ترک آذربایجان جنوبی
گادتب: ۱۹۹۲- جی ایلدن بو طرفه و ۲۸ ایل ارمنی اشغالی آلتیندا اولان آذربایجانین ۷ رایون و رایون مرکزلری (اوستان و اوستان مرکزلری) ارمنی وحشیلیگی ایله تمامیله غارت ائدیلیب و خارابالیغا چئوریلمیشدیر؛ اشغالدان قاباق %۹۵ ساکینلرینی آذربایجانلیلار تشکیل ائدن «شوشا » شهرینده بیر تعداد موزه، تاریخی مکان و مسجدلردن باشقا، شهر ائولرینین سالیم قالماسینین علتی نه اساسدا اولموشدورا جاواب وئرمک ایستَرسک:
«ارمنیلر بیلیردیلر آذربایجانین ۷ رایونو ( آغدام،کلبجر،لاچین، فیضولی، جبرائیل، زنگیلان و قوبادلی) باریش و یا ساواش یولو ایله بیر گون آذربایجانا قایتاریلاجاق، آمما اونلار هئچ زامان تصور ائتمیردیلر «داغلیق قاراباغ» استاتوسو ایچینده اولان و اؤزل و ال چاتماز بیر استراتژیک جغرافیایی موقعیته مالیک اولان «شوشا» شهری بیر گون آذربایجان اوردوسو طرفیندن اشغالدان آزاد ائدیله بیلسین، او اوزدن « شوشا» شهرینی اؤزلرینه ابدی یورد سایاراق اونو غارت ائدیب ویران ائتمه میشدیلر و اورانی غصب ائدیب ائولرده یاشاماغا باشلامیشدیلار!»
آمما « شوشا» شهری، باشقا سؤزله، ال چاتماز «شوشا قالاسی» آذربایجانین ایگید فرمانده و عسگرلرینین جسارتی، اؤزل مهارتی و غیرتی ایله جان و قان باهاسینا اشغالدان آزاد اولدو و دونیا استراتژیستلرینی تعجّبده قویدو…!
چونکو شوشا شهرینی اوچ طرفدن اوچوروم قایا احاطه ائتمیش و یالنیز بیر طرفدن شهره گیریش امکانی واریدی و بو مکاندا ارمنی لرین آغیر و مدرن سیلاحلاری ایله قورونوردو، آمما آذربایجان ایگید عسگرلری قایالاردان و داغچیلار مهارتی ایله سال داشلاردان دیرماشیب ارمنی عسگرلرینی پیچاق و یونگول سیلاحلارلا مغلوب ائدیب شوشانی اشغالدان آزاد ائتدیلر و ساواش جبهه سینده دونیا سویه سینده یئنی بیر مهارت سرگیله دیلر …..!
حسن راشدی
