GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, fevral ayının 12-də Ərdəbil şəhərində bir qrup azərbaycanlı milli-mədəni fəal şəhər divarlarında qrafitlər çəkərək İranın Vətəndaş Vəziyyətinin Qeydiyyat İdarəsinin azərbaycanlı körpələrə türk adlarına görə doğum şəhadətnaməsinin verməməsinə etiraz ediblər.
Qrafitlərdə türk adına görə 8 aydır doğum şəhadətnaməsi ala bilməyən ərdəbilli Ayılın adı əks olunubdur.
Ərdəbildə yaşayan azərbaycanlı musiqiçi və milli fəal Səccad Colaninin qızı Ayılın anadan olmasından 8 ay keçməsinə baxmayaraq valideynləri ona doğum şəhadətnaməsi ala bilmıəyiblər. Onlar öz övladlarına Azərbaycan mədəniyyətinə uyğun qoyduqları adı rəsmiləşdirmək üçün dəfələrlə Ərdəbildə İranın Vətəndaş Vəziyyətinin Qeydiyyat İdarəsinə müraciət etsələrdə buna müvəffəq olmayıblar.
