ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، مارت آیینین 18-ده آوسترالیانین سیدنئی شهرینده چاناققالا ظفرینی‌نین 106-جی ایلدؤنومو موناسیبتی ایله تدبیر کئچیریلیب.
تدبیره گادتب بئین الخلاق علاقه‌لر دئپارتامئنتی‌نین صدری سایین میکائیل بی اویتا، ائله‌جه ده گادتب قادین و اینسان حاقلاری دئپارتامئنتی‌نین صدری سایین سارا خانیم آزرسون دعوت ائدیلمیش‌لر.
تورکیه‌نین سیدنئی‌ده کی کونسوللوغو طرفیندن کئچیریلن مراسیمده آوسترالیا-آذربایجان آسوساسیاسی طرفیندن سایین میکائیل بی اویتا و گونئی آذربایجان دئموکراتیک تورک بیرلیگی (گادتب) طرفیندن ایسه سایین سارا خانیم آزرسون ایشتیراک ائدیبلر.
قئید ائدک کی، چاناققالا ساواشی عثمانلی ایمپئریاسی ایله آنتانتا دؤولت‌لری آراسیندا 1915-جی ایلده آنادولونون گئلیبولو یاریماداسی اوغروندا دنیز، قورو و هاوا محاربه‌لری ایدی. اینگیلتره و فرانسانین بیرلشمیش دنیز دونانماسی اوردولارینا قارشی تورک سرکرده‌سی مصطفی کمالین باشچیلیق ائتدیگی عثمانلی اوردوسونون مقاومتی 18 مارتدا ظفرله نتیجه‌لندی.
شکیلده تورکیه باش کونسولو سایین علی سئویمله حیات یولداشی، ائله‌جه ده سایین میکاییل اویتا و سارا خانیم آزرسون
