Güney Azərbaycanın Traxtur komandası Asiya Çempionlar Liqasının növbəti mərhələyə yüksəlib

GADTB-nin Mətbuat Mərkəzinə daxil olan məlumata görə, Güney Azərbaycanın Traxtur komandası Asiya Çempionlar Liqasının növbəti mərhələyə yüksəlib. Oyunların nəticələri Traxturun növbəti mərhələyə keçməsinə imkan yaradıb.

Asiya Futbol Konfedrasiyasının yeni qaydalarına görə, 40 seçmə komandanın iştirak etdiyi Asiya Çempionlar Liqasında Qərbi Asiyanın ikinci qruplarının 5 komandasından yalnız iki komanda növbəti mərhələyə keçə bilərdi.

Qrupda başqa klublarla xalı bərabər olan Traxturun növbəti mərhələyə yüksəlməsi üçün ötən gecə keçirilən oyunların nəticəsi effektiv oldu.

Səudiyyə Ərəbistanın Əlhilal komandasının 2-0 hesabı ilə məğlubiyyəti Güney Azərbaycan komandasının Asiya Çempionlar Liqasının sonrakı mərhələsinə yüksəlməsinə səbəb olub.

Sentyabr ayında keçiriləcək növbəti mərhələdə Traxturun rəqibi Səudiyyə Ərəbistanın çempionatda iştirak edən başqa klubu Əlnəsr olacaq.