ادتاج اتحادیه دمکراتیک ترک آذربایجان جنوبی
گادتب: ایرانین فارس ایشغالچی، ایرتیجا‌چی و شووینیست رئژیمی‌نین کئچیرمه‌یه حاضیرلاشدیغی اوزدن ایراق سئچکی‌لر موللا رئژیمی‌نین 44 ایلدیر گؤزدن پرده آسماق اوچون کئچیردیگی سئچکی اویونونون داوامی‌دیر. هله اینگیلیس‌لرین الی ایله حاکمیته گتیریلن پهلوی سولاله‌سی دؤورون‌دن ایران آدلانان یئرده سئچکی آدلی بیر شئی اولماییب. ایرقچی فارس رئژیمین حاکم‌لرینین بئینینده آنجاق “الله، ایران و شاه” تصوورو اولوب. بو گون ده موللا‌لار اؤزلرینی شاه کیمی تصوور ائدیر و حاکمیت سیستئم‌لری ده مونارخیا‌دیر. هم شاه، هم ده موللالارین حکومت مودئللری مونارخیا اولدوغو اوچون حتی اونلارین شعور آلتی تصوورونده ده سئچکی آنلاییشی یوخ‌دور. اونلار یالنیز گؤزدن پرده آسماق مقصدیله سئچکی اویونو اویناییرلار. بو سبب‌دن آذربایجان تورک میللتی ایشغالچی-شووینیست ایران رئژیمی‌نین اویونونا گئتمه مه‌لی و بون‌لارین سئچکی اویونونا یوخ دئمه‌لی‌دیر.
ایشغالچی ایران رئژیمی حتی آزربایجانین بعضی شهرلرینده، گیلان ویلایتینده، باشقا بؤلگه‌لرده و یا اورمیا و سولدوزدا اؤز سئچکی اویونونو آزربایجان تورک میللتینه قارشی ایکی قات ضربه‌یه چئویرمه یی پلانلاشدیریر. رئژیم کورد ال آلتی‌لاریندان آذربایجانا قارشی ایستیفاده جهدی ایله آذربایجانلی‌لاری اؤز سئچکی اویونونا چکمک ایسته ییر. آنجاق نظره آلماق لازیم‌دیر کی، آزربایجانین هر یئری ایشغالدا‌دیر. اورمیا و سولولدوز ایشغالدا اولدوغو کیمی تبریز و باشقا آذربایجان شهرلری ده ایشغالدا‌دیر.
عینی زاماندا ایشغالچی ایران رئژیمی‌نین سئچکی اویونون‌داکی نامیزدلری رئژیمین سوزگجین‌دن کئچمیش اؤزلری‌نین جینایتکار ال آلتی‌لاری و قولبئچه‌لری‌دیر. رئژیمین سئچکی اویونو و اونون هر هانسی نامیزه‌دینین سئچکی آدی ایله تعیین ائدیلمه‌سین‌دن آذربایجانا هئچ بیر خئییر گلمه‌یه‌جک.
آذربایجان تورک میللتی اؤز آزادلیق و موستقیل‌لیگی یولوندا بیرلیگینی قورویوب ساخلاما‌لی و بو ایستیقامتده چالیشما‌لی‌دیر. کیمسه بیله‌رک و یا بیلمه‌دن میللتیمیزه یانلیش عنوان‌لار گؤستریب، اؤز قیسا مدتلی شخصی منافعلری اوچون رئژیمین سئچکی اویونونا قوشماق ایسته ییرسه، بو آذربایجانا هئچ بیر خئییر گتیرمه‌یه‌جک. میللتیمیز آییق اولما‌لی‌دیر و بیزیم ده بو ایشغالچی، جینایتکار رئژیمین ماهیتینی ایفشا ائتمک بورجوموزدور.
کیمسه و یا هر هانسی قروپ رئژیمین اویونونا گئدیب، میللتیمیزی پارچالاییرسا، بیلمه‌لی‌دیر کی، اونون آذربایجاندا یئری اولمایا‌جاق. آزربایجانین گونئیی آذربایجان تورک میللتی‌نین وطنی‌دیر و بورادا بو میللت اؤز آزادلیغی و موستقیل‌لیگی اوغروندا موباریزه آپاریر. گونئی آذربایجان دئموکراتیک تورک بیرلیگی (گادتب) ده آذربایجان تورک میللتی‌نین میللی آمالین‌دان ایلهاملانا‌راق ایشغالچی، ایرتیجا‌چی و شووینیست ایران رئژیمی‌نین سئچکی اویونونا یوخ دئییر.
اژدر تاغی‌زاده
گونئی آذربایجان دئموکراتیک تورک بیرلیگی (گادتب) باشقانی
