GADTB-nin Mətbuat Mərkəzinə daxil olan məlumata görə, irqçi və müstəmləkəçi İran rejimi Təbriz etirazlarında azərbaycanlı milli fəal Davud Rəhimini həbs edib.
Azərbaycanlı fəal dünən axşam saatlarında Təbriz şəhərində keçirilən etiraz aksiyalarında yaxalanıb.
Hələlik Davud Rəhiminin hara aparıldığı barədə məlumat yoxdur.
Qeyd edək ki, Güney Azərbaycanda etirazlarla bağlı çox sayda azərbaycanlı fəal rejimin məmurları tərəfindən həbs edilmişdir. Onlardan yalnız Davud Rəhimi, Ulduz Qasimi, Şahin Bərzgər, Əmir Səttari, Vəhid Əbhəri, Müctəba Əbdüli, Məhəmməd Mahmudi və s. müəyyənləşdirmək mümkün olub.